যদি আপোনাৰ পিঠিত মলি আৰু ক’লা ৰং জমা হয়, তেন্তে শৰীৰৰ সামগ্ৰিক সৌন্দৰ্যতাত বেয়াকৈ প্ৰভাৱ পৰে ৷ আপুনি নিশ্চয় প্ৰায়ে দেখিছে যে শীতকালেই হওক বা গ্ৰীষ্মকালেই হওক, মহিলা আৰু যুৱতীয়ে বিয়া বা পাৰ্টিত বেকলেছ ড্ৰেছ বা বেক ৰিভিলিং ড্ৰেছ পিন্ধি ভাল পায় ৷ যিয়ে তেওঁলোকৰ সৌন্দৰ্য বৃদ্ধি কৰে, কিন্তু যদি আপোনাৰ পিঠিত অত্যধিক টেনিং বা ক'লা পৰে তেতিয়া এনে সাজ-পোছাক পিন্ধিবলৈ নিশ্চয় দ্বিধাবোধ হ’ব ৷ আপুনি কোনবোৰ ঘৰুৱা উপায় কৰিব পাৰে জানো আহক, যিয়ে আপোনাক এখন সুন্দৰ পিঠি পোৱাত সহায় কৰিব ৷
পিঠিৰ ক’লা ৰং কেনেকৈ আঁতৰাব ?
বেচন আৰু হালধিৰ পেষ্ট লগাব
মুখখন ধুনীয়া কৰিবলৈ আপুনি নিশ্চয় প্ৰায়ে বেচন আৰু হালধিৰ পেষ্ট প্ৰয়োগ কৰে ৷ একেটা প্ৰতিকাৰ আপোনাৰ পিঠিৰ বাবেও উপযোগী হ’ব পাৰে ৷ ইয়াৰ বাবে এটা বাটিত দৈ আৰু বেচন মিহলাই তাৰ পিছত কিছু দৈ দিব ৷ পেষ্ট তৈয়াৰ হ’লে পিঠিত ১৫ৰ পৰা ২০ মিনিট লগাব ৷ যদি আপুনি নিয়মিতভাৱে এই কাম কৰে তেন্তে এসপ্তাহৰ ভিতৰত ইয়াৰ ফলাফল পাব ৷
গ্লিচাৰিন আৰু গাখীৰ মিহলাই লওক
বলীউডৰ চেলিব্ৰিটিৰ দৰে কোমল আৰু চিকচিকিয়া পিঠি পাবলৈ হ’লে গ্লিচাৰিন আৰু গাখীৰৰ সহায় ল’ব পাৰি ৷ ইয়াৰ বাবে এটা বাটিত গাখীৰ ঢালি তাৰ পিছত নেমুৰ ৰস তাত গ্লিচাৰিন মিহলাই লওক ৷ এতিয়া পিঠিত লগাই ১৫ মিনিট ৰাখিব ৷ শেষত কুহুমীয়া পানীৰে ধুই কোমল কাপোৰেৰে পৰিষ্কাৰ কৰক ৷ পিছফালে এক নতুন জিলিকনি দেখা পাবলৈ আৰম্ভ কৰিব ৷
অমিতাৰ সহায় লওক
অমিতা আমাৰ ছালৰ বাবে অতি উপকাৰী বুলি গণ্য কৰা হয়, যাৰ বাবে ইয়াক বহুতো ছালৰ যত্ন লোৱা সামগ্ৰীত ব্যৱহাৰ কৰা হয় ৷ আপুনি অমিতা থেতেলিয়াই তাত দৈ আৰু অটছৰ গুড়ি ভালদৰে মিহলাই লওক ৷ পেষ্ট তৈয়াৰ হ’লে পিঠিত পাতল হাতেৰে ঘঁহি দিব ৷ কিছু সময় শুকুৱাই থৈ শেষত পিঠিখন পৰিষ্কাৰ পানীৰে ধুব ৷ কিছুদিন এনেকৈ কৰিলে তেতিয়া পিঠিৰ ক’লা ৰং নাইকিয়া হৈ যাব ৷
লগতে পঢ়ক: Amazing Benefits Of Neem: এনেদৰে ব্যৱহাৰ কৰক নিমপাত, শালমইনাৰ পৰা উফিলৈকে নাথাকিব কোনো চিনচাব
