নেশ্যনেল ডেস্ক, 3 আগষ্ট: সমগ্ৰ দেশতে সম্প্ৰতি চৰ্চা লাভ কৰা এটা বিষয় হৈছে জ্ঞানবাপী মছজিদ ৷ এই সন্দৰ্ভত ইতিমধ্যে আদলতত চলি আছে গোচৰ প্ৰক্ৰিয়া ৷ মন্দিৰ নে মছজিদ সন্দৰ্ভত চলি থকা গোচৰৰ আজি এলাহাবাদ উচ্চ ন্যায়ালয়ত গুৰুত্বপূৰ্ণ শুনানি হ’ব ৷ কিন্তু শুনানিৰ পূৰ্বে বাৰাণসীত এটাৰ পিচত এটাকৈ নতুন গোচৰ ৰুজু কৰা হৈছে । ইয়াৰ পূৰ্বেও চিভিল জজ্ জ্যেষ্ঠ বিভাগৰ শিখা যাদৱৰ আদালতত শীঘ্ৰে উপাসনা কৰা সন্দৰ্ভত এটা গোচৰ ৰুজু কৰা হৈছিল ।
জ্যোতিষ পীঠাধেশ্বৰ শংকৰাচাৰ্য স্বামী, অবিমুক্তিশ্বেৰানন্দ সৰস্বতীৰ শিষ্য আৰু ডলি ৰথ যাত্ৰাৰ ৰাষ্ট্ৰীয় ভাৰপ্ৰাপ্ত বিষয়া শৈলেন্দ্ৰ যোগীৰাজে চৰকাৰৰ তৰফৰ গোচৰটো দাখিল কৰিছিল ৷ দাখিল কৰা গোচৰটোত কোৱা হৈছে যে, জ্ঞানবাপীত সনাতন ধৰ্ম অনুসৰণ কৰা লোকসকলে মাটিৰে নিৰ্মিত শিৱ লিংগ তৈয়াৰ কৰি উপাসনা কৰাৰ ব্যৱস্থা আছে । জ্ঞানবাপীত এটা শিৱ লিংগ দেখা গৈছে । এনে পৰিস্থিতিত শাওণ মাহৰ এই সময়ত শিৱ লিংগ উপাসনা কৰাটো অতি তাৎপৰ্যপূৰ্ণ । সেয়েহে বিশ্বেশ্বৰৰ শিৱ লিংগৰ উপাসনা আৰু উপভোগ কৰাৰ অধিকাৰ শীঘ্ৰে দিয়া উচিত ।
এই সন্দৰ্ভত অধিবক্তা ড৹ এছ কে দ্বিবেদীয়ে কয়, ‘‘শাওণ মাহত উপাসনা কৰাৰ অধিকাৰ পোৱাটো আমাৰ প্ৰয়োজনীয় ।’’ আনহাতে, অধিবক্তা ড৹ এছ কে দ্বিবেদীয়ে কৰা উপাসনা কোনে কৰিব বা কেতিয়া কৰিব সেই সন্দৰ্ভত কৰা যুক্তি বিৰোধিতা কৰিছে চৰকাৰী অধিবক্তা মহেন্দ্ৰ পাণ্ডেয়ে ৷
জ্ঞানৱাপী মছজিদ নে মন্দিৰ বা হিন্দু নে মছলমানৰ এই স্পৰ্শকাতৰ বিষটোৱে বিগত 1 বছৰৰো আধিক কাল বিতৰ্কত আছে ৷ আনহাতে এলাহাবাদ উচ্চ ন্যায়ালয়ে বাৰাণসী জিলা আদালতৰ আদেশৰ বিৰুদ্ধে কৰা আবেদনৰ ওপৰত ৩ আগষ্টলৈকে ৰায় স্থগিত ৰাখিছিল ৷
