নেচনেল ডেস্ক,২১ জুলাই: কেন্দ্ৰীয় চৰকাৰৰ দ্বাৰা প্ৰৱৰ্তন সঞ্চালকালয় (ইডি) আৰু কেন্দ্ৰীয় অনুসন্ধান ব্যুৰ'ৰ (চিবিআই) দৰে অনুসন্ধানকাৰী সংস্থাসমূহৰ অপব্যৱহাৰৰ বিষয়ে আলোচনা কৰিবলৈ বৃহস্পতিবাৰে কংগ্ৰেছৰ সাংসদ গৌৰৱ গগৈয়ে লোকসভাত সভাস্থগিত প্ৰস্তাৱ উল্থাপন কৰে (MP Gaurav Gogoi gave adjournment motion notice in Lok Sabha)।
'মই ইয়াৰ দ্বাৰা অতি গুৰুত্বপূৰ্ণ বিষয় এটা আলোচনা কৰাৰ উদ্দেশ্যে সদনৰ কাম-কাজ স্থগিত ৰখাৰ বাবে এক প্ৰস্তাৱ উত্থাপন কৰিবলৈ জাননী প্ৰদান কৰিছো । কেন্দ্ৰীয় চৰকাৰৰ দ্বাৰা প্ৰৱৰ্তন সঞ্চালকালয় (ইডি) আৰু কেন্দ্ৰীয় অনুসন্ধান ব্যুৰোৰ (চিবিআই) দৰে আইন প্ৰৱৰ্তনকাৰী আৰু অনুসন্ধানকাৰী সংস্থাৰ অপব্যৱহাৰ হৈছে । এই সংস্থাসমূহ ভাৰতীয় গণতন্ত্ৰৰ স্বতন্ত্ৰ এজেণ্ট হ'ব বুলি ধাৰণা কৰা হৈছে ।' সাংসদ গৌৰৱ গগৈয়ে তেওঁৰ জাননীত এইদৰে উল্লেখ কৰে ।
কেইবাটাও ৰায়ৰ জৰিয়তে এই সংস্থাসমূহৰ স্বতন্ত্ৰ কাৰ্যকলাপ সন্দৰ্ভত উচ্চতম ন্যায়ালয়ৰ গুৰুত্বৰ ওপৰতো সাংসদ গৌৰৱ গগৈয়ে আলোকপাত কৰে । বিত্ত মন্ত্ৰালয়ে লোকসভাত দিয়া উত্তৰ অনুসৰি 2004-14 বৰ্ষত 112 টা তালাচী চলোৱা হৈছিল । আনহাতে, 104 টা গোচৰৰ অভিযোগ দাখিল কৰা হৈছিল । অৱশ্যে 2014-22 বৰ্ষৰ ভিতৰত 2,974 টা তালাচী চলোৱা হৈছিল । ইয়াৰে মাত্ৰ 839 টা গোচৰৰ অভিযোগনামা দাখিল কৰা হৈছিল । অনুসন্ধান যথেষ্ট বৃদ্ধি হৈছে যদিও ইয়াৰ তুলনাত গোচৰৰ অভিযোগনামাৰ শতাংশ হ্ৰাস পোৱা বুলিও তেওঁ লগতে কয় ।
এই অনুসন্ধানকাৰী সংস্থাসমূহৰ দ্বাৰা কৰা অনুসন্ধানসমূহ বিৰোধী দলৰ সদস্যসকলৰ ওপৰত অধিক চলোৱা হৈছিল বুলি উল্লেখ কৰি সাংসদ গৌৰৱ গগৈয়ে শাসকীয় দলটোক সমালোচনা কৰি কয় যে কেন্দ্ৰীয় চৰকাৰৰ দ্বাৰা আইন প্ৰৱৰ্তনকাৰী আৰু অনুসন্ধানকাৰী সংস্থাসমূহৰ অপব্যৱহাৰকে সূচাইছে । ইয়াত ৰাজনৈতিক অনুসন্ধান বৃদ্ধি পালেও গোচৰৰ অভিযোগৰ শতাংশ গুৰুতৰভাৱে হ্ৰাস পাইছে । তেওঁ ন-দি কয় যে এই সংস্থাসমূহক ৰাষ্ট্ৰত বিৰোধীক নিয়ন্ত্ৰণত ৰখাৰ বাবে এক সঁজুলি হিচাপে ব্যৱহাৰ কৰা হৈছে । সেইবাবে সফল গণতন্ত্ৰৰ বাবে এই সংস্থাসমূহৰ স্বাধীনতা সুৰক্ষিত কৰাটো অতি প্ৰয়োজনীয় ।
ইয়াৰ পূৰ্বে বুধবাৰে বিৰোধী দলসমূহে মূল্যবৃদ্ধি আৰু দৈনন্দিন ব্যৱহাৰৰ কিছুমান সামগ্ৰীৰ ওপৰত চৰকাৰৰ দ্বাৰা জিএছটি আৰোপ সম্পৰ্কীয় দাবীৰ বাবে সংসদৰ দুয়োখন সদনত স্থগিত ৰখাৰ বাবে বাধ্য হৈছিল । সংসদৰ বৰ্ষাকালীন অধিৱেশনৰ তৃতীয় দিনা দিনটোৰ বাবে স্থগিত ৰখাৰ পূৰ্বে লোকসভাত দুটা স্থগিতাদেশ জাৰি কৰা হয় । পূৰ্বতে স্থগিত ৰখাৰ পিছত মধ্যাহ্ন ভোজনৰ পিছত ৰাজ্যসভাও দিনটোৰ বাবে স্থগিত ৰখা হয় । বিৰোধী দলসমূহে তেওঁলোকৰ দাবী সমূহ উত্থাপনৰ বাবে সংসদত মহাত্মা গান্ধীৰ প্ৰতিমূৰ্তিৰ ওচৰত প্ৰতিবাদ সাব্যস্ত কৰে ।
মহাত্মা গান্ধীৰ প্ৰতিমূৰ্তিৰ ওচৰত হোৱা প্ৰতিবাদৰ সময়ত বিৰোধী নেতাসকলে দৈনন্দিন ব্যৱহাৰৰ কেইবাটাও সামগ্ৰীৰ ওপৰত সংশোধিত জিএছটি হাৰৰ বাবে সাধাৰণ লোকৰ বাজেট ব্যাহত কৰাৰ অভিযোগ উত্থাপন কৰে । কংগ্ৰেছ, এনচিপি, ডিএমকে আৰু বাওঁপন্থীকে ধৰি বিৰোধী দলসমূহৰ নেতাসকলে দৈ, পিঠা আৰু পনীৰৰ দৰে সামগ্ৰীৰ ওপৰত জিএছটিৰ হাৰ বৃদ্ধি প্ৰত্য়াহাৰৰ দাবীত চৰকাৰৰ বিৰুদ্ধে শ্ল'গান দিয়ে । উক্ত প্ৰতিবাদৰ সময়ত কংগ্ৰেছ নেতা ৰাহুল গান্ধী, মল্লিকাৰ্জুন খাৰ্গে আৰু অধীৰ ৰঞ্জন চৌধুৰীয়ে অংশ গ্ৰহণ কৰে( Rahul Gandhi, Mallikarjun Kharge and Adhir Ranjan Chowdhury protest against GST) ।
লগতে পঢ়ক:Indo-Bangla inland water way project: ভাৰত-বাংলাদেশ আভ্যন্তৰীণ জলপথৰ লেহেমীয়া নিৰ্মাণ
