নিউজ ডেস্ক, ১৮ এপ্ৰিল : গেংষ্টাৰ আতিক আহমেদ আৰু তেওঁৰ ভাতৃ আশ্ৰফক হত্যা কৰা তিনিজন শ্বুটাৰৰ ভিতৰৰ এজন হৈছে বান্দা জিলাৰ প্ৰয়াগৰাজৰ লাভলেশ তিৱাৰী (gangster Atiq Ahmed murder case) । আৰক্ষীয়ে ইতিমধ্যে তিনিওজনকে গ্ৰেপ্তাৰ কৰিছে (Atiq Ahmeds shooter Atiq Ahmed) । আনহাতে, দেওবাৰে লাভলেশৰ পৰিয়ালৰ সুৰক্ষাৰ বাবে বান্দাত আৰক্ষী মোতায়েন কৰা হয় । তাৰ মাজতে সোমবাৰে লাভলেশৰ পৰিয়ালে ঘৰত তলামাৰি পলায়ন কৰে । যিটো বৰ্তমান সমগ্ৰ জিলাখনৰ মানুহৰ মাজতে আলোচনাৰ বিষয় হৈ পৰিছে (Shooter Lavlesh Tiwaris family left home) ।
আনহাতে, জানিব পৰা মতে আতিক আহমেদৰ হত্যাকাৰীৰ পৰিয়ালে নিৰন্তৰ ভাবুকিৰ সন্মুখীন হৈ আছে । ইয়াৰ পিচতে তেওঁলোকে নিজৰ বাসস্থানবোৰ খালী কৰি গেংষ্টাৰৰ অনুগামীসকলৰ সম্ভাৱ্য আক্ৰমণৰ পৰা ৰক্ষা পাবলৈ দূৰৈৰ ঠাইলৈ গুচি গৈছে । ইতিমধ্যে শ্বুটাৰ অৰুণ মৌৰ্যৰ পৰিয়ালৰ সদস্যই কাচানগজত থকা তেওঁলোকৰ ঘৰ এৰি ক'ৰবালৈ গুচি গৈছে । আনকি তিনিজন শ্বুটাৰকে প্ৰয়াগৰাজৰ নয়নী কেন্দ্ৰীয় কাৰাগাৰৰ পৰা প্ৰতাপগড় জিলা কাৰাগাৰলৈ স্থানান্তৰিত কৰা হৈছে (Atiq Ahmeds Shooters family left home) ।
আতিক আহমেদৰ এজন অনুগামী দলটোৰ কিছু সদস্যৰ সৈতে নয়নী কাৰাগাৰত বন্দী হৈ আছে । তেওঁলোকৰ পৰা আহিব পৰা ভাবুকিৰ কথা বিবেচনা কৰিয়ে আতিক আহমেদৰ হত্যাকাৰীক নয়নী কাৰাগাৰৰ পৰা বাহিৰলৈ স্থানান্তৰিত কৰা হৈছে । ইফালে আৰক্ষী অধীক্ষকজনে দেওবাৰে লাভলেশৰ ঘৰ পৰিদৰ্শন কৰে । শেহতীয়াকৈ তেওঁৰ পৰিয়ালৰ সদস্যৰ সৈতেও কথা পাতে । ইয়াৰ উপৰি আৰক্ষীক তেওঁলোকৰ নিৰাপত্তা সুনিশ্চিত কৰাৰ নিৰ্দেশ দিয়ে । কিন্তু সোমবাৰে লাভলেশৰ পৰিয়ালে ঘৰটো বন্ধ কৰি ক'ৰবালৈ গুচি যায় । অৱশ্যে আৰক্ষীয়ে ঘটোৰ বাহিৰত পহৰা দি আছে ।
লগতে, আতিক আহমেদ আৰু আশ্ৰফৰ হত্যাকাণ্ডত জড়িত শ্বুটাৰ অৰুণ মৌৰ্যৰ পৰিয়ালৰ সদস্যসকলেও তেওঁলোকৰ ঘৰ এৰি ক'ৰবালৈ গুচি যায় । অৰুণ মূলত কাচগঞ্জৰ চোৰন কোতৱালী অঞ্চলৰ কাদাৰৱাড়ী গাঁৱৰ বাসিন্দা । অৰুণ মৌৰ্যৰ পুত্ৰ দীপকে বৰ্তমান হাৰিয়ানাৰ পাণিপথ জিলাৰ বিকাশ নগৰত বাস কৰি আছে ।
লগতে পঢ়ক : Historian Irfan Habib on Assam CM; ৰাজনৈতিক আলোচনাত আটাইতকৈ বিষাক্ত ব্যক্তি হিমন্ত বিশ্ব শৰ্মা : ইৰফান হাবিব
