নিউজ ডেস্ক, 6 জুন: প্ৰৱৰ্তন সঞ্চালকালয় চমুকৈ ই ডিয়ে সোমবাৰে দিল্লীৰ স্বাস্থ্য তথা গৃহমন্ত্ৰী সত্যেন্দ্ৰ জৈনৰ বাসগৃহত এক অভিযান চলায় (ED raids Satyendra Jains residence) ৷ কলকাতাস্থিত এটা কোম্পানীৰে জড়িত হাৱালা লেনদেনৰ অভিযোগত এই অভিযান চলোৱা হয় ৷ যোৱা 30 মে’ত কেন্দ্ৰীয় তদন্তকাৰী সংস্থাটোৱে জৈনক গ্ৰেপ্তাৰ কৰাৰ পাচতে এই পদক্ষেপ লোৱা হৈছে ৷ 9 জুনলৈকে ই ডিৰ জিম্মাত থাকিব সত্যেন্দ্ৰ জৈন ৷
এই বছৰৰ এপ্ৰিল মাহত ই ডিয়ে আকিনচান ডেভেলপাৰছ প্ৰাইভেট লিমিটেড, ইণ্ডো মেটাল ইম্পেক্স প্ৰাইভেট লিমিটেড নামৰ কোম্পানীবোৰৰ মালিকানাধীন ৪.৮১ কোটি টকাৰ স্থাৱৰ সম্পত্তি সংলগ্ন কৰাৰ পিছত জৈনক গ্ৰেপ্তাৰ কৰা হৈছিল ৷ অসামঞ্জস্যপূৰ্ণ সম্পত্তি আৰু Money Laundering ৰ গোচৰৰ অধীনত জৈন, তেওঁৰ পত্নী পুনম জৈন আৰু অন্যান্যসকলক গ্ৰেপ্তাৰ কৰা হৈছিল (Satyendar Jain money laundering case)।
ই ডিয়ে চিবিআইৰ দ্বাৰা দাখিল কৰা এই এজাহাৰৰ ওপৰত ভিত্তি কৰি আপ নেতাজনৰ বিৰুদ্ধে এটা ফৌজদাৰী গোচৰ ৰুজু কৰিছিল, য'ত অভিযোগ কৰা হৈছিল যে জৈনে তেওঁ অংশীদাৰ হৈ থকা চাৰিটা কোম্পানীৰ দ্বাৰা প্ৰাপ্ত পুঁজিৰ উৎস ব্যাখ্যা কৰিব পৰা নাছিল । খবৰ অনুসৰি তেওঁ দিল্লীত কেইবাটাও শ্বেল কোম্পানীৰ শ্বেয়ৰ কিনিছিল । তেওঁ কলকাতাৰ তিনিজন হাৱালা অপাৰেটৰৰ পৰা ৫৪ টা শ্বেল কোম্পানীৰ জৰিয়তে ১৬.৩৯ কোটি টকাৰ ক'লা ধনো বৈধ কৰিছিল (Money laundering case)।
এই কোম্পানীবোৰে তেওঁলোকৰ কলকাতাৰ অপাৰেটৰসকলক নগদ ধন স্থানান্তৰ কৰিছিল আৰু পিছত শ্বেয়াৰ ক্ৰয় কৰাৰ আইনী উপায় ব্যৱহাৰ কৰি জৈনলৈ ধন ঘূৰাই দিব বুলি চুক্তি কৰিছিল ৷ প্ৰতিষ্ঠানসমূহে ২০১০ চনৰ পৰা ২০১৪ চনলৈ ১৬.৩৯ কোটি টকাৰ ধন সত্যেন্দ্ৰ জৈনলৈ প্ৰেৰণ কৰিছে বুলি জানিব পৰা গৈছে ।
চৰকাৰী সূত্ৰ অনুসৰি, আই-টি বিভাগৰ দ্বাৰা মোকৰ্দমা চলোৱাত বৈভৱ জৈন আৰু অংকুশ জৈনৰ বেনামী নামত Income Disclosure Scheme (আইডিএছ) 2016-ৰ অধীনত নগদ 16.39 কোটি টকাৰ ৰূপত ক'লা ধন সমৰ্পণ কৰিছিল সত্যেন্দ্ৰ জৈনে ।
লগতে পঢ়ক: দিল্লীৰ স্বাস্থ্যমন্ত্ৰী সত্যেন্দ্ৰ জৈনক গ্ৰেপ্তাৰ
