নিউজ ডেস্ক, 18 ডিচেম্বৰ : অমৃতসৰৰ স্বৰ্ণ মন্দিৰ চৌহদক অপবিত্ৰ কৰাৰ চেষ্টাৰ (desecration attempt at golden temple) এটা ঘটনা সংঘটিত হৈছে । অভিযোগ অনুসৰি, স্বৰ্ণ মন্দিৰত প্ৰৱেশ কৰি এজন ব্যক্তিয়ে গুৰুগ্ৰন্থ চাহিবৰ সৈতে অভব্য আচৰণ কৰিবলৈ চেষ্টা কৰিছিল । অৱশ্যে, এছজিপিচিৰ সেৱকসকলে সেই ব্যক্তিজনক ধৰিবলৈ সক্ষম হৈছিল ।
সন্ধিয়া প্ৰায় ৬ বজাত সংঘটিত হোৱা এই ঘটনাটোৰ বিৱৰণ অনুসৰি, অভিযুক্তজনে এখন জংঘল পাৰ হৈ গুৰুগ্ৰন্থ চাহিবৰ কাষ পাইছিল । অৱশ্যে, এই কাৰ্যত তেওঁক বাধা দিয়া হৈছিল। উল্লেখ্য যে, এই ঘটনাটোৰ সময়ত আৰাধনা পাঠ চলি আছিল । ইফালে, এই ঘটনাৰ বিষয়ে অৱগত কৰি ততাতৈয়াকৈ আৰক্ষীকো খবৰ দিয়া হৈছিল যদিও, গুৰুগ্ৰন্থ চাহিবৰ সৈতে কৰা এই অভব্য ব্যৱহাৰত ক্ষুব্ধ হৈ পৰা জনতাৰ প্ৰহাৰত ব্যক্তিজনৰ মৃত্যু হোৱা বুলি জানিব পৰা গৈছে ৷
সম্প্ৰতি, এই ঘটনাই সমগ্ৰ শিখ সমাজৰ লগতে দেশজুৰি চাঞ্চল্যৰ সৃষ্টি কৰিছে ৷
