ৰায়পুৰ,22 জুলাই: ছত্তিশগড়ৰ মুখ্যমন্ত্ৰী ভূপেশ বাঘেলৰ বাসগৃহৰ সন্মুখত আত্মহত্যাৰ চেষ্টা চলোৱা এগৰাকী যুৱকৰ বুধবাৰে মৃত্যু ঘটে ৷ যুৱকজনে দেহত পেট্ৰ’ল ঢালি অগ্নিসংযোগ কৰি আত্মহত্যাৰ চেষ্টা চলাইছিল ৷ বিগত 24 দিনে চিকিৎসাধীন হৈ থকা 27 বছৰীয়া যুৱকজন হৰদেৱ সিনহা বুলি জানিব পৰা গৈছে ৷ অগ্নিসংযোগৰ ফলত যুৱকগৰাকীৰ দেহৰ প্ৰায় 65 শতাংশ জ্বলি গৈছিল ৷ উল্লেখ্য যে, ধমন্তৰী জিলাৰ তেলীনসত্তী গাঁৱৰ নিবাসী হৰদেৱে বিগত 29 জুনত মুখ্যমন্ত্ৰী গৰাকীৰ বাসগৃহলৈ আহে ৷ যুৱকগৰাকীয়ে নিৰাপত্তাৰক্ষীৰ লগতে বিষয়াসকলক মুখ্যমন্ত্ৰীগৰাকীক সাক্ষাতৰ বাবে অহা বুলি প্ৰকাশ কৰে ৷ কিন্তু মুখ্যমন্ত্ৰীগৰাকীক সাক্ষাৎ কৰিব নোৱাৰি যুৱকগৰাকীয়ে দেহত অগ্নিসংযোগ কৰে ৷ যুৱকগৰাকীৰ এই কাৰ্য সন্দৰ্ভত পৰিয়ালৰ লোকে নিৱনুৱা সমস্যাৰ বাবে যুৱকগৰাকী দীৰ্ঘদিনে হতাশাত ভোগাৰ কথা উল্লেখ কৰে ৷
লগতে চাওকঃ জাতীয় পতাকা গ্ৰহণ দিৱস
