নিউজ ডেস্ক, ২০ ডিচেম্বৰ : কংগ্ৰেছ সংসদীয় দলৰ অধ্যক্ষ ছোনিয়া গান্ধীয়ে বুধবাৰে সংসদত সাংসদসকলক বহিষ্কাৰ কৰাৰ উদ্দেশ্য সম্পৰ্কে প্ৰশ্ন উত্থাপন কৰে ।
"বিজেপি চৰকাৰে গণতন্ত্ৰক শ্বাসৰুদ্ধ কৰিছে । ইয়াৰ পূৰ্বে কেতিয়াও ইমান-সংখ্যক বিৰোধী সংসদ সদস্যক সদনৰ পৰা বহিষ্কাৰ কৰা হোৱা নাছিল । সেয়াও কেৱল এক সম্পূৰ্ণ যুক্তিসঙ্গত আৰু বৈধ দাবী উত্থাপন কৰাৰ বাবে ।" তেওঁ কয় । ছোনিয়া গান্ধীয়ে লগতে কয় যে বিৰোধী সাংসদসকলে কেৱল নিৰাপত্তা উলংঘনৰ বিষয়টোত সংসদত বৈধ দাবী কৰি আছিল ।
কংগ্ৰেছৰ প্ৰাক্তন মুৰব্বীগৰাকীয়ে দলটোক অহা বছৰৰ সাধাৰণ নিৰ্বাচনৰ প্ৰস্তুতিৰ প্ৰয়োজনীয়তাৰ ওপৰত গুৰুত্ব আৰোপ কৰে । আনহাতে, শেহতীয়া বিধানসভা নিৰ্বাচনৰ ফলাফলৰ পিছত দলৰ নেতাসকলে অধিক প্ৰচেষ্টা কৰিব লাগিব বুলি কয় । ৰাজস্থান, মধ্যপ্ৰদেশ আৰু ছত্তীশগড়ত এই ফলাফলসমূহ অতি হতাশজনক বুলি উল্লেখ কৰি তেওঁ নেতাসকলক অহা বছৰৰ সাধাৰণ নিৰ্বাচনত নতুন উদ্যমেৰে কাম কৰিবলৈ আহ্বান জনায় ।
ছোনিয়া গান্ধীয়ে লগতে কয় যে তেওঁলোকৰ দলে বৃহৎ প্ৰত্যাহ্বানৰ সন্মুখীন হৈছে । লগতে স্মৰণ কৰে যে তেওঁলোকৰ নেতাসকলে অতীজত এনে দুৰ্লভ প্ৰতিকূলতাৰ বিৰুদ্ধে যুঁজ দিছিল । তেওঁ কয় যে সংসদত নাৰী সংৰক্ষণ বিধেয়ক গৃহীত হোৱাৰ উদ্দেশ্য কেৱল মহিলা ভোটাৰসকলৰ মনোযোগ বিচ্যুত কৰা ।
চিপিপি বৈঠকৰ পিছত কংগ্ৰেছৰ সাংসদসকলে সংসদ চৌহদত মহাত্মা গান্ধীৰ প্ৰতিমূৰ্তিৰ বাহিৰত প্ৰতিবাদ সাব্যস্ত কৰে আৰু বিৰোধী সদস্যসকলক বহিষ্কাৰ কৰাৰ বিৰুদ্ধে শ্লোগান দিয়ে ।
চিপিপি বৈঠকৰ পিছত কংগ্ৰেছৰ সাংসদসকলে সংসদ চৌহদত মহাত্মা গান্ধীৰ প্ৰতিমূৰ্তিৰ বাহিৰত প্ৰতিবাদ সাব্যস্ত কৰে আৰু বিৰোধী সদস্যসকলক বহিষ্কাৰ কৰাৰ বিৰুদ্ধে শ্লোগান দিয়ে ।
উল্লেখ্য যে এইবাৰৰ সংসদৰ অধিবেশনত ভাৰতীয় সংসদীয় ইতিহাসত এক অভূতপূৰ্ব ঘটনা সংঘটিত হৈছে । একেটা দিনতে লোকসভাৰ ৩৩ গৰাকী আৰু ৰাজ্যসভাৰ ৪৫ মুঠ ৭৮ গৰাকী সাংসদক সদনৰ পৰা বহিষ্কাৰ কৰা হৈছে । যিটো ভাৰতীয় সংসদত পূৰ্বতে এক নোহোৱা-নোপোজা ঘটনা ।
লগতে পঢ়ক :ৰাহুল গান্ধীক উৎখাত কৰিবলৈয়ে খাৰ্গেক প্ৰধানমন্ত্ৰী হিচাপে প্ৰস্তাৱ; বিজেপি
