নিউজ ডেস্ক, 20 জানুৱাৰী : অৰুণাচল প্ৰদেশৰ লোক সভা সদস্য টাপিৰ গাৱে শেহতীয়াকৈ অভিযোগ কৰিছে যে চীনৰ পি এল এ সেনাই ৰাজ্যখনৰ ভাৰত-চীন সীমান্তৰ পৰা ১৭ বছৰীয়া এজন যুৱকক অপহৰণ কৰিছে । গাৱে সংবাদ মাধ্যমক জনোৱা মতে পিএলএ সেনাই আপাৰ চিয়াং জিলাৰ লুংটা জ’ নামৰ অঞ্চলৰ পৰা যুৱকজনক অপহৰণ কৰিছে (Chinese PLA allegedly kidnapped Arunachal teen) ।
তেওঁ কয় যে, সেই অঞ্চলৰ দুজন যুৱক চিকাৰলৈ গৈছিল আৰু চীনা সৈন্যই অপহৰণ কৰাৰ পাছত এজনে পলাই আহিবলৈ সক্ষম হয় । লোকসভাৰ সদস্যজনে জনোৱা মতে, মিৰাম টাৰন নামৰ যুৱকজন এতিয়াও পিএলএৰ কৱলত আৱদ্ধ হৈ আছে । গাৱে তেওঁৰ এক টুইটৰ জৰিয়তে এই কথা সদৰি কৰি ভাৰত চৰকাৰৰ গৃহ বিভাগৰ ৰাজ্য মন্ত্ৰী নিতীশ প্ৰমানিকক এই বিষয়ে শীঘ্ৰেই বিহিত ব্যবস্থা ল’বলৈ আহ্বান জনায় ।
উল্লেখযোগ্য যে, এই সন্দৰ্ভত প্ৰাক্তন কেন্দ্ৰীয় মন্ত্ৰী তথা অৰুণাচলৰ বিধায়ক নিনং এৰিঙো সৰৱ হৈছে ৷ তেওঁ ঘটনাৰ সবিশেষ বৰ্ণনা কৰি অপহৃত কিশোৰজনক পিএলএৰ পৰা উদ্ধাৰ কৰাৰ আহ্বান জনাইছে ৷
চীনৰ পিপলছ লিবাৰেচন আৰ্মীয়ে (Chinese PLA army) ৰাজ্যখনৰ ভাৰতীয় ভূ-খণ্ডৰ উজনি চিয়াং জিলাৰ পৰা ১৭ বছৰীয়া কিশোৰজনক অপহৰণ কৰিছে । অপহৃত কিশোৰজনক মিৰাম টাৰন বুলি চিনাক্ত কৰা হৈছে । সাংসদ টাপিৰ গাৱৰ মতে চীনা সেনাই কিশোৰজনক চিয়ুংলা অঞ্চলৰ লুংটা জ’ অঞ্চলৰ পৰা অপহৰণ কৰিছিল । মন কৰিব লগীয়া যে, ইয়াৰ আগতেও অৰুণাচল প্ৰদেশৰ সীমান্ত অঞ্চলত চীনা সৈন্যৰ অনুপ্ৰৱেশৰ খবৰ পোৱা গৈছিল ।
লগতে পঢ়ক : New Covid SOP in Tripura : ক'ভিড পৰিস্থিতিৰ বাবে বন্ধ থাকিব ত্ৰিপুৰাৰ শ্ব’পিং মল, চিনেমা হল,পাৰ্ক
