নেশ্যনেল ডেস্ক, 10 জানুৱাৰী : গো-সেৱা, সমাজৰ বাবে এক উত্তম সেৱা হিচাবে বিবেচিত হৈ আহিছে ৷ গো-সেৱা কৰিলে নেদেখাজনৰ আশীস লাভ কৰিব পাৰি বুলি জনবিশ্বাস আছে ৷ সেই উদ্দেশ্যে বহু দিনৰ পৰাই মধ্য প্ৰদেশৰ এগৰাকী মহিলাই কৰি আহিছে গো-পালন ৷ অৱশ্যে গো-পালন কৰা এই মহিলাগৰাকী হিন্দু ধৰ্মাৱলম্বীৰ নহয় ৷ তেওঁ এগৰাকী মুছলমান সম্প্ৰদায়ৰ মহিলা (Gau sevak Marjeena Bano) ৷ নাম মাৰ্জিনা বানো ৷
মুছলমান সম্প্ৰদায়ৰ হৈয়ো মাৰ্জিনা বানোৱে দীৰ্ঘ দিন ধৰি গো-সেৱা কৰি অহাৰ বাবে এতিয়া ৰাইজৰ ৰোষত পৰিব লগা হৈছে ৷ আনকি মুছলমান সমাজৰ পৰা এঘৰীয়া পৰ্যন্ত কৰিছে মাৰ্জিনাৰ লগতে তেওঁৰ পৰিয়ালক (Muslim society boycott Marjeena Bano) ৷ বৰ্তমান তেওঁৰ পৰিয়ালটো মুছলমান সম্প্ৰদায়ৰ সমাজে সমাজিক অনুষ্ঠানত অংশগ্ৰহণ কৰাটো বন্ধ কৰি দিয়ে ৷ কিয়নো মুছলমান সম্প্ৰদায়ৰ বাবে গো-সেৱা কৰাটো অনিয়মৰ কথা ৷
মাৰ্জিনাৰ বাবে গো-সেৱা এক আবেগ :
মাৰ্জিনা বানোৱে ‘‘নন্দী গ্ৰাম’’ নামৰ এটা গো আশ্ৰয় শিবিৰ পৰিচালনা কৰে ৷ য’ত প্ৰায় 18 টা গোৰ বংশ আছে । গাই গৰুৰ পৰা আদি কৰি পোৱালিলৈকে এই শিবিৰটোত বহু গো-ধন আছে ৷ আনকি এই শিবিৰটোত ম’হো আছে ৷ গৰুৰ বাবে প্ৰয়োজনীয় খাদ্যৰ পৰা আৰম্ভ কৰি গো-ধনক ঠাণ্ডাৰ পৰা ৰক্ষা কৰিবলৈ গোহালিত জুইৰ ব্যৱস্থাও কৰা হৈছে ।
বৰ্তমান সময়ত একাংশ লোকৰ আৰ্থিক সাহায্যৰ লগতে মাৰ্জিনাই ব্যক্তিগত প্ৰচেষ্টাত এই গো-শালাটো চলাই আছে । সংবাদ মাধ্যমৰ সৈতে হোৱা এক বাৰ্তালাপত মাৰ্জিনা বানোৱে কয়, ‘‘4 বছৰ পূৰ্বে আমাৰ ঘৰলৈ এজনী গাই গৰু আহিছিল ৷ সেই গাই গৰুজনীক খুৱাই-বোৱাই পোহপাল কৰিছিলো ৷ সেয়াই আৰম্ভনি ৷
