নেশ্যনেল ডেস্ক, ৫ মে': পশ্চিমবংগ বিধানসভা নিৰ্বাচনৰ ফলাফল ঘোষণাৰ পিছত টিএমচি কৰ্মীসকলৰ দ্বাৰা সংঘটিত ব্যাপক হিংসাক বিজেপিৰ কেবাজনো নেতাই এই হিংসাৰ বাবে তৃণমূল কংগ্ৰেছক সমালোচনা কৰে । মঙলবাৰে দুদিনীয়া ভ্ৰমণসূচীৰে পশ্চিমবংগলৈ আহে বিজেপি সভাপতি জে পি নাড্ডা ৷ শাসকীয় তৃণমূল কংগ্ৰেছ (টিএমচি) চৰকাৰে ৰাজ্যখনত দলীয় কৰ্মীসকলৰ ওপৰত চলোৱা অত্যাচাৰৰ বিৰুদ্ধে প্ৰতিবাদ সাব্যস্ত কৰিবলৈ পশ্চিমবংগত উপস্থিত হয় বিজেপি সভাপতিগৰাকী ৷
ইফালে, মংগলবাৰে প্ৰধানমন্ত্ৰী মোডীয়ে পুৱাই পশ্চিমবংগৰ ৰাজ্যপাল জগদীপ ধনকাৰৰ সৈতে হোৱা টেলিফোনিক বাৰ্তালাপত ৰাজ্যখনৰ বৰ্তমানৰ আইন-শৃংখলা পৰিস্থিতি সন্দৰ্ভত ক্ষোভ আৰু অসন্তুষ্টি প্ৰকাশ কৰে । ৰাজ্যপাল জগদীপ ধনকাৰে টুইটাৰযোগে প্ৰকাশ কৰে এই কথা ।
আনহাতে, কেন্দ্ৰীয় গৃহ মন্ত্ৰালয়ে নিৰ্বাচনী হিংসাৰ বাবে ৰাজ্য চৰকাৰৰ পৰা এক সঠিক প্ৰতিবেদন বিচাৰিছে য'ত বিৰোধী ৰাজনৈতিক কৰ্মীসকলক লক্ষ্য কৰি লোৱা হৈছে । উল্লেখ্য যে, পশ্চিমবংগৰ নিৰ্বাচনৰ ফলাফলৰ ২৪ ঘণ্টাৰ ভিতৰত, ছয়জন বিজেপি কৰ্মীক হত্যা কৰাৰ লগতে বহুকেইগৰাকী কাৰ্যকৰ্তাক গুৰুতৰভাৱে আঘাতপ্ৰাপ্ত কৰাৰো অভিযোগ উত্থাপন কৰিছে বিজেপিয়ে ।
একেদৰে, বাওঁ মৰ্চা আৰু অল ইণ্ডিয়া চেকুলাৰ ফ্ৰণ্টেও (এআইএছএফ) শাসকীয় দলৰ গুণ্ডাসকলে তেওঁলোকৰ কৰ্মীসকলক আক্ৰমণ কৰাৰ অভিযোগ উত্থাপন কৰিছে । তেওঁলোকৰ এই দাবীক শাসকীয় দল টিএমচিয়ে পোনচাতেই নাকচ কৰে ।
মংগলবাৰে বিজেপি সভাপতি জে পি নাড্ডাই হিংসাৰ দ্বাৰা ক্ষতিগ্ৰস্ত বিজেপি কৰ্মীসকলৰ লগতে তেওঁলোকৰ পৰিয়ালক বৰ্গকো সাক্ষাৎ কৰি গণতান্ত্ৰিক প্ৰতিবাদ কৰিব বুলি জানিব পৰা গৈছে ৷ এই ঘটনাক তীব্ৰভাৱে বিজেপিয়ে গৰিহণা প্ৰকাশ কৰিছে ৷ ৰাজ্যখনৰ এনে পৰিস্থিতিৰ বাবে বিজেপিয়ে চিবিএইক পুংখানুপুংখভাৱে তদন্ত কৰিবলৈ শীৰ্ষ আদালতত এখন আবেদন দাখিল কৰে । পশ্চিমবংগ বিধানসভা নিৰ্বাচনৰ ফলাফল ঘোষণাৰ পিছত টিএমচি কৰ্মীসকলৰ দ্বাৰা সংঘটিত ব্যাপক হিংসাৰ বিৰুদ্ধে বুধবাৰে দেশজুৰি ধৰ্ণা কাৰ্যসূচী ৰূপায়ণ কৰে বিজেপিয়ে ।
লগতে পঢ়ক: ৰিজাৰ্ভ বেংকে ২০ মে'ত ৩৫ হাজাৰ কোটি টকাৰ জি-ছেক ক্ৰয় কৰিব
