নিউজ ডেস্ক,8 জানুৱাৰী: বিগত 5ৰ পৰা 7 জানুৱাৰীলৈ ইষ্টাৰ্ণ এয়াৰ কামাণ্ড অঞ্চলৰ এয়াৰ ফ’ৰ্চ ষ্টেচন আৰু এডভাঞ্চ লেণ্ডিং গ্ৰাউণ্ডসমূহ পৰিদৰ্শন কৰে ভাৰতীয় বায়ু সেনাৰ চীফ অব এয়াৰ ষ্টাফ, এয়াৰ চীফ মাৰ্চেল আৰ.কে.এছ ভাদুৰীয়াই ৷ এই ভ্ৰমণকালত বায়ুসেনা প্ৰধানগৰাকীয়ে বায়ুসেনা আৰু আৰ্মি কামাণ্ডাৰ সকলৰ সৈতে আলোচনাত মিলিত হৈ এই অঞ্চলসমূহত নিয়োজিত হৈ থকা ইউনিটসমূহৰ অপাৰেশ্যনেল প্ৰস্তুতিসমূহ পৰ্যবেক্ষণ কৰে ৷
বায়ুসেনা বিষয়াসকলৰ সৈতে বায়ুসেনাত অব্যাহত পৰিৱৰ্তনক আগুৱাই নিয়াৰ বাবে মুখ্য ক্ষেত্ৰসমূহৰ প্ৰচাৰ কৰাৰ উপৰিও বায়ুসেনা প্ৰধানগৰাকীয়ে চিক্কিম আৰু উত্তৰ পূৰ্বাঞ্চলত বৃহৎ পৰিমাণে সঞ্চালিত হোৱা হেলিকপ্তাৰ আৰু বিমানেৰে উৰণ সম্পন্ন কৰে ৷ অতি কঠিন অঞ্চল তথা অত্যন্ত প্ৰত্যাহ্বানপূৰ্ণ বাতাবৰণতো সুচাৰুৰূপে কাম কৰাৰ উপৰিও ৰাইজৰ সহায়ৰ বাবে হেলাৰঙে আগবাঢ়ি যোৱাৰ বাবে বায়ুসেনাক ধন্যবাদ জ্ঞাপন কৰে সেনা প্ৰধান গৰাকীয়ে ৷
লগতে পঢ়ক-বাৰ্ড ফ্লুৰ বাবে ৰাজ্যসমূহলৈ সতৰ্কতা জাৰি পৰিৱেশ মন্ত্ৰণালয়ৰ
