মুম্বাই, 16 মে': কলিকতাৰ এক ৰ'ড শ্ব'ত মঙলবাৰে সংঘটিত হিংসাত্মক ঘটনাক ইশ্বৰ চন্দ্ৰ বিদ্যাসাগৰৰ মূৰ্তি ধ্বংস হোৱা ঘটনাক গৰিহণা অভিনেতা তথা পৰিচালক মহেশ ভাট ৷ বিদ্যাসাগৰৰ মূৰ্তিক ধ্বংস কৰা মানে বঙালী ভাষাক অপমান কৰা বুলি টুইটযোগে মন্তব্য কৰে মহেশ ভাটে ৷
মঙলবাৰে বিজেপিৰ ৰাষ্ট্ৰীয় সভাপতি অমিত শ্বাহৰ এক ৰ'ড শ্ব'ত বিজেপিৰ সমৰ্থক আৰু তৃণমূল কংগ্ৰেছৰ সমৰ্থকৰ মাজত এক সংঘৰ্ষৰ সৃষ্টি হৈছিল ৷ এই সংঘৰ্ষৰ ফলতে ধ্বংস হৈছিল 19শ শতিকাত নিৰ্মিত ইশ্বৰ চন্দ্ৰ বিদ্যাসাগৰৰ মূৰ্তিটো ৷
আনহাতে, এই ঘটনা কোনে সংঘটিত কৰিছিল সেয়া এই পৰ্যন্ত স্পষ্ট হোৱা নাই ৷
