নিউজ ডেস্ক, ৮ এপ্ৰীলঃ মাক্কাল নিধি মাইয়াম প্ৰমুখ কামাল হাচানে সোমবাৰে আয়কৰ বিভাগে চলাই থকা তালাচীক সমৰ্থন কৰে । আয়কৰ বিভাগে যোৱা সপ্তাহৰ পৰা দেশৰ বিভিন্ন ঠাইত তালাচী অভিযান আৰম্ভ কৰিছে । নেতা গৰাকীয়ে এই তালাচী অভিযানক এক অত্যন্ত গুৰুত্বপূৰ্ণ আৰু ভাল পদক্ষেপ বুলি অভিহিত কৰে । তেওঁ লগতে ইয়াকো কয় যে এই তালাচী অভিযান সকলোৰে বাবে কোনো ৰাজনৈতিক দলৰ ভেদাভেদ নোহোৱাকৈ চলিব লাগে । ৰাইজৰ ধন আত্মসাৎ কৰা সকলক শাস্তি দিয়াটো প্ৰয়োজন বুলিও তেওঁ কয় । তেওঁৰ দল মাক্কাল নিধি মাইয়াম(এম এন এম)ৰ ২০২৪ চনৰ নিৰ্বাচনী ইস্তাহাৰ 'কোভায় ২০২৪' মুকলি কৰি তেওঁ এই কথা কয় । কংগ্ৰেছ আৰু তেলেগু দেশম পাৰ্টিৰ বিভিন্ন নেতাৰ ঘৰত বিগত সপ্তাহৰ পৰা তালাচী অভিযান চলায় আছে আয়কৰ বিভাগে ।
ইপিনে এই তালাচী অভিযানক তীব্ৰ ভাষাৰে গৰিহণা দিছে কংগ্ৰেছ নেতা তথা প্ৰাক্তন মন্ত্ৰী পি চিদাম্বৰমে । তেওঁৰ মতে এই তালাচী অভিযান নিৰ্বাচনী অভিযানক অচল কৰিবলৈ চৰকাৰৰ এক কৌশল বুলি অভিহিত কৰে ।
