হায়দৰাবাদ, 5 জুলাই : তেলেংগানাত অব্য়াহত আছে COVID-19 ৰ সংহাৰী ৰূপ ৷ শনিবাৰে ৰাজ্যখনত নতুনকৈ 1,850 টা ঘটনা ধৰাৰ পৰা লগতে মৃত্যু হৈছে পাঁচজনকৈ লোকৰ ৷ ধাৰাবাহিক দ্বিতীয়বাৰৰ বাবে ৰাজ্য়খনত 1,800 ত কৈ অধিক আক্ৰান্তৰ সংখ্যা ধৰা পৰিছে ৷ ইয়াৰ লগে-লগে ৰাজ্যখনত আক্ৰান্তৰ সংখ্যা বৃদ্ধি পাই হৈছে 22,312 গৰাকী ৷ আনহাতে বৰ্তমানলৈকে মুঠ মৃত্যুৰ সংখ্যা বৃদ্ধি পাই হৈছে 288 গৰাকী ৷ শুকুৰবাৰে 20,000 আক্ৰান্তৰ পৰিসংখ্যা লাভেৰে সৰ্বমুঠ আক্ৰান্ত সংখ্যা হিচাপে ৰাজস্থান আৰু পশ্চিম বংগতকৈ অগ্ৰগতি লাভ কৰে তেলেংগানাই ৷
শনিবাৰে গ্ৰেটাৰ হায়দৰাবাদতেই অকল 1,572 টা ঘটনা পোহৰলৈ আহিছে ৷ স্বাস্থ্য় বিভাগৰ মতে, বিগত 24 ঘণ্টাত তেলেংগানাত 6,427 টা নমুনাৰ পৰীক্ষা কৰা হৈছে ৷ উল্লেখ্য যে, এইটো এদিনত আটাইতকৈ বেছি নমুনাৰ পৰীক্ষা কৰা এক অভিলেখ ৷ ৰাজ্যখনত এতিয়ালৈকে 1,10,545 গৰাকী লোকৰ COVID-19 ৰ নমুনাৰ পৰীক্ষা কৰা হৈছে ৷
-
Media Bulletin on status of positive cases #COVID19 in Telangana. (Dated. 04.07.2020)#TelanganaFightsCorona #StayHome #StaySafe pic.twitter.com/X6UqJCh561
— Eatala Rajender (@Eatala_Rajender) July 4, 2020 " class="align-text-top noRightClick twitterSection" data="
">Media Bulletin on status of positive cases #COVID19 in Telangana. (Dated. 04.07.2020)#TelanganaFightsCorona #StayHome #StaySafe pic.twitter.com/X6UqJCh561
— Eatala Rajender (@Eatala_Rajender) July 4, 2020Media Bulletin on status of positive cases #COVID19 in Telangana. (Dated. 04.07.2020)#TelanganaFightsCorona #StayHome #StaySafe pic.twitter.com/X6UqJCh561
— Eatala Rajender (@Eatala_Rajender) July 4, 2020
ৰাজ্যখনত 22,312 গৰাকী আক্ৰান্তৰ বিপৰীতে 11,537 গৰাকী লোকে আৰোগ্য লাভ কৰিবলৈ সক্ষম হৈছে ৷ শেহতীয়াকৈ 1,342 গৰাকী লোকে আৰোগ্য লাভ কৰিছে ৷ কিন্তু এতিয়াও ৰাজ্য়খনত সংক্ৰিয় হৈ আছে 10,487 টা ঘটনা ৷
আনহাতে বিগত 24 ঘণ্টাত ভাৰতত 22,000 COVID-19 আক্ৰান্ত ধৰা পৰিছে ৷ ভাৰতত আক্ৰান্তৰ সংখ্যা হৈছে 6,48,315 ৷ এই সময়খিনিত 22,771 টা ঘটনা পোহৰলৈ আহে ভাৰতত ৷ লগতে 442 গৰাকী লোকৰ মৃত্যু হয় ৷ ভাৰতত মৃত্যুৰ সংখ্যা বৃদ্ধি পাই হৈছে 18,655 ৷ এতিয়াও 2,35,433 টা ঘটনা সক্ৰিয় হৈ আছে ভাৰতত ৷
লগতে চাওক-ৰাজ্যত COVID-১৯ ৰ সংক্ৰমণৰ অভিলেখ : এদিনত 1202 গৰাকী আক্ৰান্ত
