নিউজ ডেস্ক, ৬ মে': মে' দিৱস তথা শ্ৰমিক দিৱসৰ দিনাই লকডাউনৰ বাবে দেশৰ ভিন্ন প্ৰান্তত আৱদ্ধ হৈ থকা প্ৰব্ৰজনকাৰী শ্ৰমিক সকল, তীৰ্থযাত্ৰী, পৰ্যটক, শিক্ষাৰ্থী আদিৰ বাবে ঘোষণা কৰা হৈছিল বিশেষ ৰে'ল সেৱা । গৃহ মন্ত্ৰণালয়ৰ আদেশ অনুসৰি ঘোষণা হৈছিল এই সেৱা ।
দেশৰ আন আন ৰাজ্যৰ চৰকাৰৰ সৈতে আলোচনা কৰি পোনপটীয়াকৈ নিজ নিজ ৰাজ্যসমূহলৈ এইসকল লোকক ঘূৰাই অনাৰ বাবে ৰাজ্য চৰকাৰে ব্যৱস্থা গ্ৰহণ কৰিছে ।
ইতিমধ্যে কেৰালাৰ কোজিকোডে ৰেল ষ্টেচনৰ পৰা প্ৰায় ১,০৯০ প্ৰব্ৰজনকাৰী শ্ৰমিক বিশেষ ৰেলযোগে (০৬০৮৮)মংগলবাৰে ৮.৫৫ বজাত বিহাৰৰ কাটিহাৰ ষ্টেচনত উপস্থিত হয় । বিহাৰত উপস্থিত হোৱাৰ পাচতে সকলো শ্ৰমিকক কৰ'ণা ভাইৰাছ সংক্ৰমন ৰোধৰ বাবে ল'বলগীয়া যাৱতীয় ব্যৱস্থা গ্ৰহণ কৰে প্ৰশাসনে । ইয়াৰ পাচতে ষ্টেচনৰ পৰা শ্ৰমিকসকলক বাছেৰে নিজ নিজ গৃহ জিলালৈ পঠিওৱাৰ বাৱস্থা কৰা হয় ৷
তদুপৰি, বিহাৰৰ পৰা আন এখন বিশেষ ৰেল (০৯৮২৭)যোগে বিহাৰ আৰু ৰাজস্থানৰ পৰা ১২৪৮ জন ছাত্ৰ-ছাত্ৰী অনাৰ ব্যৱস্থা কৰে ।
