নতুন দিল্লী 30 মাৰ্চ: সমগ্ৰ দেশ কৰ’ণাৰ বাবে ল’ক ডাউন হৈ আছে ৷ যাৰ ফলত সমস্যাত পৰিছে দৈনিক কাম কৰি পৰিয়াল পৰিপালন কৰাৰ বাবে দেশৰ বিভিন্ন প্ৰান্তত থকা শ্ৰমিক সকল ৷ উচ্চতম ন্যায়ালয়ে তেওঁলোকৰ বাবে চৰকাৰক বিশেষ সুবিধা প্ৰদান কৰিবলৈ নিৰ্দেশ প্ৰদান কৰিছে ৷
খাদ্য, পানী, আৰু দৈনন্দিন অত্যাৱশ্যকীয় সকলো প্ৰয়োজনীয সামগ্ৰী যাতে পায় তাৰ প্ৰতি লক্ষ্য ৰাখিবলৈ নিৰ্দেশ জাৰি কৰিছে ৷ সকলো পৰিয়াল ,মহিলা ,সৰু সৰু লৰা ছোৱালী ,বয়োজেষ্ঠ নাগৰিক যি সকলে ল’ক ডাউনৰ সময়ত খোজ কাঢ়ি নিজৰ ঘৰলৈ গৈ আছে, তেওঁলোকেও যাতে এই সকলো সুবিধা পায় তাৰ ওপৰত গুৰুত্ব প্ৰদান কৰিৱলৈ নিৰ্দেশ দিয়ে ৷ ইয়াৰ লগতে দেশৰ প্ৰধান মন্ত্ৰী নৰেন্দ্ৰ মোদীয়ে 21 ল’ক ডাউন ঘোষণা কৰাৰ সময়ত সমগ্ৰ দেশবাসীক সামাজিক দূৰত্ব বজাই ৰাখিৱৰ বাবে আহ্বান জনাইছে ৷ ভাৰতীয় স্বাস্থ্য মন্ত্ৰালয়ৰ তথ্য অনুসৰি বতমানলৈ দেশত 1024 গৰাকী লোক কৰ’ণাত আক্ৰান্ত হোৱাৰ বিপৰীতে মৃত্যু হৈছে 27 গৰাকীৰ ৷
লগতে পঢক :22খনকৈ নাৰ্ছিং হোমৰ সৈতে চুক্তি স্বাক্ষৰ স্বাস্থ্যমন্ত্ৰীৰ
