নেশ্যনেল ডেস্ক, 15 এপ্ৰিল : কৰ'ণা ভাইৰাছ প্ৰতিৰোধৰ বাবে যুঁজ আগবঢ়াই অহা স্বাস্থ্য কৰ্মীসকলৰ বাবে হেল্পলাইন আৰম্ভ কৰিবলৈ কেন্দ্ৰীয় চৰকাৰক নিৰ্দেশ প্ৰদান কৰিছে উচ্চতম ন্যায়ালয়ে ৷ নাৰ্ছ সকলক PPEs(Personal protective equipment) প্ৰদান কৰিবৰ বাবে চৰকাৰক নিৰ্দেশনা জাৰি কৰিবলৈ জনস্বাৰ্থজনিত আবেদন (PIL) দাখিল কৰাৰ পাচতে উচ্চতম ন্যায়ালয়ে চৰকাৰক এই নিৰ্দেশ প্ৰদান কৰে ৷
ইয়াৰ জৰিয়তে স্বাস্থ্যকৰ্মীৰ ওজৰ-আপত্তিসমূহ পঞ্জীয়ন কৰিব পৰা যাব ৷ PPEৰ অভাৱ,দৰমহা কৰ্তন,ভাড়াঘৰৰ মালিকে বাহিৰ কৰা আদি গোচৰসমূহ হেল্পলাইনৰ জৰিয়তে জনাব পাৰিব ৷ গোচৰ পঞ্জীয়ন কৰাৰ 2 ঘন্টাৰ ভিতৰতে বিহিত ব্যৱস্থা কৰিবলৈও নিৰ্দেশ প্ৰদান কৰিছে উচ্চতম ন্যায়ালয়ে ৷
উল্লেখ্য যে,কোভিড-19 ৰোগীক চিকিৎসা কৰাৰ সময়ত লাভ কৰিবলগা বিভিন্ন সুবিধা সম্পৰ্কত উচ্চতম ন্যায়ালয়ৰ ওচৰত United Nurses Association য়ে আবেদন দাখিল কৰিছিল ৷
এই আবেদনত United Nurses Association য়ে উল্লেখ কৰা বিভিন্ন সমস্যাসমূহ হৈছে-
*পৰ্যাপ্ত পৰিমাণৰ personal protective equipment ৰ অভাৱ
*COVID-19 Testing Kitৰ অভাৱ
*সংক্ৰমণ ৰোধ আৰু প্ৰতিৰোধৰ বাবে প্ৰশিক্ষণৰ অভাৱ
*আইচ'লেশ্যন ৱাৰ্ডত সাধাৰণ সুবিধাৰ অভাৱ
*অধিক সময় কাম কৰিবৰ বাবে মানসিক চাপ প্ৰয়োগ
*গৰ্ভৱতী তথা স্তনপান কৰাই থকা মহিলাক কাম কৰিবলৈ হেঁচা প্ৰয়োগ কৰা
*খাদ্য,আশ্ৰয় আৰু চিকিৎসা সেৱাৰ অভাৱ
*চৰকাৰে প্ৰদান কৰা নিৰ্দেশনাৰ ব্যক্তিগত চিকিৎসালয়ৰ দ্বাৰা উলংঘন
