নিউজ ডেস্ক,৮আগষ্ট: শনিবাৰে দেশৰ প্ৰধান মন্ত্ৰী নৰেন্দ্ৰ মোদীয়ে স্বচ্চ ভাৰত মিশ্যনৰ এটা ইণ্টাৰেক্টিভ অনুভৱ কক্ষ্য ৰাষ্ট্ৰীয় স্বচ্চতা কেন্দ্ৰৰ কৰিলে শুভ উদ্বোধন । জাতিৰ পিতা মহাত্মা গান্ধীৰ চম্পাৰন সত্যাগ্ৰহৰ শতবৰ্ষ উদযাপন উপলক্ষে এই কেন্দ্ৰটিৰ উদ্বোধন কৰা হয় । মহাত্মা গান্ধীৰ সমাধি ক্ষেত্ৰ ৰাজঘাটত নিৰ্মাণ কৰা হৈছে এই কেন্দ্ৰটি ।
উদ্বোধনৰ পিছতেই প্ৰধান মন্ত্ৰীয়ে উপভোগ কৰে স্বচ্চ ভাৰতৰ ওপৰত নিৰ্মাণ কৰা এখন ছুটি ছবিও । প্ৰধান মন্ত্ৰীৰ কাৰ্যালয়ৰ পৰা প্ৰকাশিত এক বিবৃতিত উল্লেখ কৰা হৈছে যে, এই কেন্দ্ৰটিয়ে ভৱিষ্যত প্ৰজন্মক বিশ্বৰ সবাতোকৈ বৃহৎ ব্যৱহাৰ পৰিৱৰ্তন অভিযান স্বচ্চ ভাৰত মিশ্যনৰ সফল যাত্ৰাৰ ওপৰত পৰিচয় দাঙি ধৰিব । কেন্দ্ৰটিত সংস্থাপন কৰা ডিজিটেল আৰু আউটড'ৰ ইনষ্টলেচনৰ মিশ্ৰনে স্বচ্চতা আৰু ইয়াৰ লগত জড়িত বিষয় সমূহৰ ওপৰত তথ্য, সচেতনতা আৰু জ্ঞান প্ৰদান কৰিব ।
লগতে পঢ়ক : অসম কৃষি খণ্ডৰ ব্ৰেণ্ড এম্বেছেডৰ হ’ব জুবিন গাৰ্গ !
