নিউজ ডেস্ক, 1 আগষ্টঃ আন্তঃৰাষ্ট্ৰীয় আদালতত চলি থকা ভাৰতীয় নৌ-সেনা বিষয়া কুলভূষণ যাদৱৰ গোচৰ সন্দৰ্ভত সদিচ্ছা প্ৰকাশ কৰিছে পাকিস্তানে ৷ ভাৰতৰ ফালৰ পৰা 18বাৰকৈ আন্তঃৰাষ্ট্ৰীয় আদালতত উত্থাপন কৰা অনুৰোধৰ পিচত শেহতীয়াকৈ পাকিস্তানৰ বৈদেশিক মন্ত্ৰালয়ে যাদৱক এগৰাকী কনছুলাৰ প্ৰদান কৰাত সন্মতি প্ৰদান কৰিছে ৷ এই সন্দৰ্ভত পাকিস্তান বৈদেশিক মন্ত্ৰালয়ৰ মুখপাত্ৰ ডঃ মেহমুদ ফইজলে শুকুৰবাৰে ভাৰতীয় বৈদেশিক মন্ত্ৰালয়ৰ সৈতে আলোচনাত মিলিত হোৱাৰ কথা প্ৰকাশ কৰিছে ৷
পাকিস্তান বৈদেশিক মন্ত্ৰালয়ৰ ঘোষণাৰ পিচতে ভাৰতীয় বৈদেশিক মন্ত্ৰালয়ৰ মুখপাত্ৰ ৰৱীছ কুমাৰে ইয়াৰ প্ৰতিক্ৰিয়া প্ৰকাশ কৰিছে ৷ আন্তঃৰাষ্ট্ৰীয় আদালতৰ নিয়ম অনুসৰি ভাৰতে সমগ্ৰ বিষয়টো চোৱাচিতা কৰি আছে আৰু আমোলাতান্ত্ৰিক আলোচনাৰ মাধ্যমেৰে ভাৰতে এই বিষয়ে আগবাঢ়িব ৷
