এপ্ৰিলৰ পৰা বিদ্যালয়ত ৰাতিপুৱা পাঠদান আৰম্ভ কৰিবলৈ নিৰ্দেশনা ওড়িশা চৰকাৰৰ

গ্ৰীষ্মকালৰ প্ৰতি লক্ষ্য ৰাখিয়ে ৰাজ্যখনৰ চৰকাৰে গ্ৰহণ কৰিছে এই সিদ্ধান্ত

নিউজ ডেস্ক, 24 মাৰ্চঃ আহিবলগীয়া গ্ৰীষ্মকালৰ প্ৰতি লক্ষ্য ৰাখি ওড়িশাচৰকাৰে ৰাজ্যখনৰ সকলো চৰকাৰী আৰু বেচৰকাৰী বিদ্যালয়সমূহলৈ এক নিৰ্দেশনা প্ৰেৰণ কৰিছে ৷ নিৰ্দেশনাটোত অহা এপ্ৰিল মাহৰ 2 তাৰিখৰ পৰা ৰাজ্যখনৰ সকলো বিদ্যালয়তে ৰাতিপুৱাৰ ভাগত শিক্ষাদান অনুষ্ঠিত কৰিবলৈ কোৱা হৈছে ৷

ৰাজ্যখনৰ শিক্ষা বিভাগে জাৰী কৰিছে এই নিৰ্দেশনা ৷ নিৰ্দেশনাটোত ৰাতিপুৱা 6বাজি 30 মিনিটৰ পৰা 10 বাজি 30 মিনিটলৈ শ্ৰেণীকোঠাসমূহ আয়োজন কৰিবলৈ কোৱা হৈছে ৷ ৰাতিপুৱা 10 বজাত মধ্যাহ্ন ভোজন প্ৰদান কৰিবলৈয়ো নিৰ্দেশনাটোত কোৱা হৈছে ৷ সমান্তৰালকৈ মাৰ্চ মাহৰ 30 তাৰিখৰ ভিতৰত ৰাজ্যখনৰ বিদ্যালয়সমূহক বাকী থকা সকলো পৰীক্ষা অনুষ্ঠিত কৰিবলৈ জাননী জাৰী কৰিছে ৷ মে মাহৰ 6 তাৰিখৰ পৰা আৰম্ভ হ'বলগীয়া গ্ৰীষ্ম বন্ধৰ আগে আগে ৰাজ্যখনৰ চৰকাৰে এইদৰে সিদ্ধান্ত গ্ৰহণ কৰিছে ৷