নিউজ ডেস্ক, ৫ জুলাইঃ উৰিষ্যাৰ কন্ধমাল জিলাৰ ছিৰলা বনত দেওবাৰে সুৰক্ষা বাহিনীৰে হোৱা সংঘৰ্ষত ৪ জনকৈ ইনামী মাওবাদী মৃত্যু হয় বুলি জানিবলৈ দিয়ে আৰক্ষী বিষয়াই । আৰক্ষীৰ ভাষ্য অনুসৰি, গোপন সূত্ৰৰ ভিত্তিতে ছিৰলা বনত মাওবাদী শিৱিৰ থকা বুলি খবৰ লাভ কৰাৰ পাচতে সেনা জোৱানে তালাচী অভিযান আৰম্ভ কৰে ।
আনহাতে, কন্ধমাল আৰক্ষী অধীক্ষক প্ৰতীক সিঙে কয় যে, মাওবাদীৰ দলটোৱে সুৰক্ষা বাহিনীয়ে তালাচী অভিযান আৰম্ভ কৰাৰ কিছু সময়ৰ পাচতে অভিযানকাৰী দলটোক লক্ষ্য কৰি গুলীবৰ্ষণ কৰিবলৈ আৰম্ভ কৰে । তাৰোপৰি সুৰক্ষা বাহিনীয়ে মাওবাদী শিৱিৰৰ পৰা অস্ত্ৰ আৰু বোমা-বাৰুদ জব্দ কৰে বুলিও জানিবলৈ দিয়ে আৰক্ষীয়ে ।
