নেশ্যনেল ডেস্ক, ৩ জুন: সমগ্ৰ ভাৰতবৰ্ষতে মহামাৰী কৰ'ণা ভাইৰাছত আক্ৰান্তৰ সংখ্যাই ইতিমধ্যে লাখৰ ঘৰ অতিক্ৰম কৰিছে । ইয়াকে লৈ সাৱধানতা অৱলম্বনৰ উপদেশ দিয়াৰ লেখীয়াকৈ কেন্দ্ৰীয় ৰাজ্যিক স্বাস্থ্য মন্ত্ৰী অশ্বিনী কুমাৰ চৌবে ভাৰতবাসীলৈ সম্বোধন কৰি কয় যে, আক্ৰান্তৰ সংখ্যা বৃদ্ধিক লৈ কোনেও ভয় খোৱাৰ দৰকাৰ নাই । লগতে তেওঁ জানিবলৈ দিয়ে যে, এই ক্ষেত্ৰত কেন্দ্ৰ-ৰাজ্য চৰকাৰে নতুন পৰিকল্পনা হাতত লৈছে ।
তেওঁ কয় যে, যদিও আক্ৰান্তৰ সংখ্যা বৃদ্ধি পাইছে, ইয়াৰ লগে লগে আৰোগ্য ৰোগীৰ সংখ্যাও বাঢ়ি আছে আৰু চৰকাৰে টেষ্টৰ পৰিমাণো বৃদ্ধি কৰিছে । লগতে চৰকাৰে কমেও ৩.৫ লাখ আক্ৰান্ত ৰোগীৰ বাবে আই.চি.ইউ. বিচনাৰ ব্যৱস্থা কৰিছে বুলি কেন্দ্ৰীয় মন্ত্ৰীগৰাকীয়ে সদৰী কৰে এই কথা ।
উল্লেখ্য যে, ভাৰতত বুধবাৰে নতুনকৈ ৮৯০৯ জন আক্ৰান্ত লোকৰ সংখ্যা বৃদ্ধি হোৱাৰ লগতে যোৱা ২৪ ঘণ্টাত মুঠ ২১৭ জন আক্ৰান্ত লোকৰ মৃত্যু হোৱা বুলি জানিব পৰা গৈছে ।
লগতে পঢ়ক:
