১৪ জুলাই পৰ্যন্ত অষ্ট্ৰেলিয়াৰ পৰা ৰাওণা হ'বলগীয়া সকলো বিমান বাতিল

বিগত মাহত বন্দে ভাৰত আঁচনিৰ অধীনত ভাৰত আৰু অষ্ট্ৰেলিয়াৰ মাজত এয়াৰ ইণ্ডিয়াই মুঠ ৮ খন বিমানৰ ঘোষণা কৰিছিল । এই বিমানসমূহ ১ জুলাইৰ পৰা ১৪ জুলাইলৈকে চলাচল কৰাৰ পৰিকল্পনা কৰা হৈছিল বুলি জানিব পৰা গৈছে ।

নিউজ ডেস্ক, ৫ জুলাইঃ ১৪ জুলাইলৈকে বাতিল হ'ল বন্দে ভাৰত আঁচনিৰ অধীনত অষ্ট্ৰেলিয়াৰ পৰা ৰাওণা হ'বলগীয়া সকলো বিমান । কোভিড-১৯ সংকটৰ বাবে অষ্ট্ৰেলিয়াৰ বিভিন্ন প্ৰান্তত আৱদ্ধ হৈ থকা ভাৰতীয় নাগৰিকসকলক এই আঁচনিৰ অধীনত ৪-১৪ জুলাইলৈকে ভাৰতলৈ উভতাই অনাৰ বাবে কেন্দ্ৰীয় চৰকাৰে পৰিকল্পনা কৰিছিল । কিন্তু কোভিড-১৯ সংক্ৰমণ ৰোধৰ বাবে ৰাষ্ট্ৰখনৰ চৰকাৰে জাৰি কৰা নীতি-নিৰ্দেশনা অনুসৰি ১৪ জুলাইলৈকে সকলো বিমানৰ উৰণ-অৱতৰণ বাতিল কৰা হৈছে । সেয়েহে ১৫ জুলাইৰ পৰা পুনৰ আৰম্ভ হ'ব বিমানসমূহৰ চলাচল ।