নিউজ ডেস্ক, 24 অক্টোবৰ : কেন্দ্ৰীয় স্বাস্থ্যমন্ত্ৰী হৰ্ষ বৰ্ধনে শুকুৰবাৰে কয় যে, পৰৱৰ্তী তিনি মাহৰ ভিতৰত দেশত ক'ভিড-19 পৰিস্থিতি নিৰ্ধাৰণ কৰাত সহায়ক হ'ব আৰু যদিহে সকলোৱে সাৱধানতা তথা নীতি-নিয়ম পালন কৰে তেতিয়াহ'লে আগন্তক মহোৎসৱ আৰু শীতকালত ক'ভিড-19 ক নিয়ন্ত্ৰণ কৰিবলৈ সক্ষম হ'ম ৷
উত্তৰ প্ৰদেশ চৰকাৰৰ বিষয়াসকলৰ সৈতে এক পৰ্যালোচনা সভাত ভাষণ দি বৰ্ধনে কয় যে, ক'ভিড-19 ৰ সৈতে যুদ্ধ কৰাৰ বাবে আমি উপযুক্ত ব্যৱস্থা হাতত লোৱা হৈছে । গতিকে, আমি যদিহে সাৱধানতা আৰু নীতি-নিয়ম পালন কৰো তেতিয়াহ'লে আমি কৰ'ণাক প্ৰতিহত কৰিব পাৰিম বুলি উল্লেখ কৰে ৷ ইফালে, উত্তৰ প্ৰদেশত কৰ'ণা প্ৰতিৰোধৰ বাবে লোৱা ব্যৱস্থাৰ বাবে চৰকাৰক ধন্যবাদ জনায় ৷
আনহাতে, কেন্দ্ৰীয় মন্ত্ৰীয়ে ক'ভিড-19 প্ৰতিৰোধৰ বাবে শিশুসকলক প্ৰতিষেধক দিয়াৰ বাবেও উত্তৰ প্ৰদেশৰ প্ৰচেষ্টাক প্ৰশংসা কৰে । তেওঁ আকৌ জনাই যে, উত্তৰ প্ৰদেশত ক'ভিড-19 মৃত্যুৰ হাৰ 1.46 ৷ যি ৰাষ্ট্ৰীয় গড়তকৈ কম ৷ আনহাতে, ৰাজ্যখনৰ আৰোগ্য হোৱা ৰোগীৰ হাৰ 92.2 শতাংশ ৷ যি ৰাষ্ট্ৰীয় আৰোগ্য হাৰতকৈ অধিক ।
লগতে পঢ়ক : মৰিগাঁৱৰ দুৰ্গা পূজাত বৰষুণৰ বিধি-পথালি
