নেশ্যনেল ডেস্ক, 21 জুন : নেপালে ভাৰতীয়ৰ বাবে নাগৰিকত্ব আইন সংশোধন কৰাৰ বাবে সমালোচনা কৰে বহুজন সমাজ পাৰ্টীৰ (BSP) ৰাষ্ট্ৰীয় মুখপাত্ৰ সুধীন্দ্ৰ ভাদোৰিয়াই ৷ কাঠমাণ্ডুয়ে চীনৰ দ্বাৰা প্ৰৰোচিত হোৱা অনুচিত আৰু নতুন দিল্লীৰ সৈতে বন্ধুত্বপূৰ্ণ সম্পৰ্ক অব্যাহত ৰখা উচিত বুলি ভাদোৰিয়াই মন্তব্য কৰে ৷
ভাদোৰিয়াই সাংবাদিকক কয়, "মই ক'ব বিচাৰিম যে, নেপাল চীনৰ দ্বাৰা প্ৰৰোচিত হোৱা অনুচিত ৷ সেয়েহে, মই ভাৱো যে, নেপালে পক্ষপাতমূলক ভূমিকা গ্ৰহণৰ পৰা বিৰত থকা উচিত ৷ ভাৰতৰ সৈতে তেওঁলোকে বন্ধুত্বপূৰ্ণ সম্পৰ্ক অব্যাহত ৰখা উচিত ৷"
ভাদোৰিয়াই লগতে কয়, "ভাৰত-নেপালৰ সম্পৰ্ক বহু পুৰণি ৷ মই ভাবো ভাৰত আৰু নেপালে বৈঠকৰ জৰিয়তে সমস্যাৰ সমাধান কৰা উচিত ৷"
ভাৰত-চীন সীমান্ত বিবাদ সম্পৰ্কত কূটনৈতিক বিবৃতি জাৰি কৰাৰ কেইঘন্টামানৰ পূৰ্বে নেপালে শনিবাৰে ভাৰতৰ বাবে নাগৰিকত্ব আইনৰ সংশোধন কৰে ৷ এই সম্পৰ্কত নেপালৰ গৃহমন্ত্ৰী ৰাম বাহাদুৰ থাপাই কয় যে, ভাৰতৰ নাগৰিকত্ব আইনৰ সংশোধনীৰ ওপৰত ভিত্তি কৰিয়ে নেপাল চৰকাৰে এই ব্যৱস্থা গ্ৰহণ কৰিছে ৷
থাপাই ঘোষণা কৰে যে, নেপালৰ নাগৰিকৰ সৈতে কোনো ভাৰতীয় মহিলাই বিবাহপাশত আৱদ্ধ হ'লে অতি কমেও 7 বছৰৰ বাবে নাগৰিকত্বৰ বাবে অপেক্ষা কৰিব লাগিব ৷
লগতে পঢ়ক : ভাৰতৰ ক্ষেত্ৰত নেপালে সংশোধন কৰিলে নাগৰিকত্ব আইন
