নেশ্যনেল ডেস্ক, 10 জানুৱাৰী : National Crime Record Bureau (NCRB), 2018 ৰ অপৰাধৰ তথ্য অনুসৰি, বছৰটোত মুঠ 50 লাখ অপৰাধৰ গোচৰ পঞ্জীয়ন কৰা হৈছে ৷ আকস্মিক দুৰ্ঘটনা আৰু আত্মহত্যাৰ NRCB প্ৰতিবেদন অনুসৰি, 2018 চনত কৃষিকৰ্মৰ সৈতে জড়িত 10,349 জন লোকে আত্মহত্যা কৰিছে ৷ ইয়াৰে 5,767 জন কৃষক আৰু 4,586 জন কৃষিকৰ্মৰে জড়িত শ্ৰমিক বুলি জানিব পৰা গৈছে ৷
কমিউনিষ্ট পাৰ্টী অৱ ইণ্ডিয়াৰ (CPI) ৰাষ্ট্ৰীয় সম্পাদক অতুল কুমাৰ অঞ্জনে এই তথ্যক লৈ প্ৰতিক্ৰিয়া ব্যক্ত কৰি কয় যে, কোনো জিলা প্ৰশাসনে কেন্দ্ৰীয় চৰকাৰলৈ আত্মহত্যাৰ সঠিক তথ্য প্ৰেৰণ কৰিব নিবিচাৰে ৷ সেয়েহে 2018 চনত কৃষকৰ মৃত্যুৰ সংখ্যা NCRB প্ৰতিবেদনত কমকৈ অন্তৰ্ভূক্ত কৰা হৈছে বুলি মন্তব্য কৰে সম্পাদকগৰাকীয়ে ৷
অঞ্জনে কয়, "যদি 10 জনৰ মৃত্যু হয়, তেওঁলোকে চাৰিজন বুলি কয় ৷ বহু অঞ্চলত কৃষকৰ মৃত্যুক প্ৰেম সম্পৰ্কীয় কাৰণ বুলি প্ৰকাশ কৰা হয় ৷ এগৰাকী কেন্দ্ৰীয় মন্ত্ৰীয়ে সংসদত এনেদৰে কৈছিল ৷"
তেওঁ লগতে কয় যে, কৃষকৰ মৃত্যুক এনেদৰে উপেক্ষা কৰা উচিত নহয় আৰু কিছু অঞ্চলত কৃষকৰ আত্মহত্যা শূন্য বুলি প্ৰকাশ কৰি চৰকাৰে মিছা তথ্য প্ৰকাশ কৰিছে ৷ 2017 চনত 10,655 জন কৃষিকৰ্মৰ সৈতে জড়িত লোকে আত্মহত্যা কৰিছিল আৰু 2016 চনত এই সংখ্যা বৃদ্ধি পাই 11,379 জন হৈছিলগৈ ৷
প্ৰতিবেদন অনুসৰি, 2018 চনত পশ্চিমবংগ, বিহাৰ, উড়িশা, উত্তৰাখণ্ড, মেঘালয়, গোৱা, চণ্ডিগড়, দামান আৰু ডিউ, দিল্লী, লক্ষদ্বীপ আৰু পণ্ডিচেৰীত কৃষিকৰ্মৰ সৈতে জড়িত লোকৰ আত্মহত্যাৰ সংখ্যা শূন্য ৷
2017 চনত এই প্ৰতিবেদন প্ৰকাশ পোৱাৰ তিনিমাহ পাচতে প্ৰকাশ পোৱা 2018 চনৰ আকস্মিক দূৰ্ঘটনা আৰু আত্মহত্যাত ভাৰতবৰ্ষত 1,34,516 জন লোকৰ মৃত্যু হৈছে ৷
আৰু পঢ়ক : দুবাৰকৈ অসম ভ্ৰমণ কাৰ্যসূচী বাতিল দেশৰ প্ৰধানমন্ত্ৰীৰ
