মহাৰাষ্ট্ৰ , 1 মে' : মহাৰাষ্ট্ৰ দিৱসৰ দিনটোতে গড়চিৰৌলীত আৰক্ষীৰ বাহনত মাওবাদীৰ আক্ৰমণ ৷ বুধবাৰে মাওবাদীৰ আই ই ডি বিস্ফোৰণৰ ফলত সম্পূৰ্ণ ৰূপে ধ্বংস হয় বাহনখন ৷ মহাৰাষ্ট্ৰৰ মন্ত্ৰী সুধীৰ মুনগানটিৱাৰে প্ৰকাশ কৰা অনুসৰি 16 গৰাকী আৰক্ষীৰ জোৱান এই ঘটনাত শ্বহীদ হোৱা বুলি সন্দেহ প্ৰকাশ কৰা হৈছে৷
লগতে পঢ়ক : গড়চিৰৌলীত 36 খনকৈ বাহনত মাওবাদীৰ অগ্নিসংযোগ
উল্লেখযোগ্য যে , ইয়াৰ পূৰ্বে মঙলবাৰে নিশা 136 নং ৰাষ্ট্ৰীয় ঘাইপথ নিৰ্মাণ কৰি থকা অমৰ ইনফাষ্ট্ৰাকচাৰ লিমিটেড কোম্পানীৰ 36 খনকৈ বাহনত অগ্নিসংযোগ কৰে মাওবাদীয়ে ৷ কুৰখেড়াৰ দাৰাপুৰত থকা কোম্পানীটোৰ কাৰ্যালয়ত ৰাখি থোৱা হৈছিল বহুতো বাহন ৷ প্ৰায় 150 জনীয় অস্ত্ৰ-সস্ত্ৰৰে সজ্জিত মাওবাদীৰ দলটোৱে মঙলবাৰে নিশা কোম্পানীটোৰ কাৰ্যালয়ত থকা যন্ত্ৰ-পাতি আৰু বাহনত অগ্নিসংযোগা কৰে ৷ বাহনত অগ্নিসংযোগ কৰাৰ উপৰিও চৰকাৰৰ বিৰুদ্ধে বেনাৰ লিখি কাৰ্যালয়টোক আঁৰি থৈ যায় ৷
