গড়চিৰৌলীত 36 খনকৈ বাহনত মাওবাদীৰ অগ্নিসংযোগ

প্ৰায় 150 জনীয় অস্ত্ৰ-সস্ত্ৰৰে সজ্জিত মাওবাদীৰ দলটোৱে মঙলবাৰে নিশা কোম্পানীটোৰ কাৰ্যালয়ত থকা যন্ত্ৰ-পাতি আৰু বাহনত অগ্নিসংযোগ কৰে ৷ বাহনত অগ্নিসংযোগ কৰাৰ উপৰিও চৰকাৰৰ বিৰুদ্ধে বেনাৰ লিখি কাৰ্যালয়টোক আঁৰি থৈ যায় মাওবাদীৰ দলটোৱে ৷

মহাৰাষ্ট্ৰ , 1 মে : সমগ্ৰ ৰাজ্য মহাৰাষ্ট্ৰ দিৱসৰ উৎসাহত ডুব গৈ থাকোতেই মহাৰাষ্ট্ৰৰ দাদাপুৰত মাওবাদীৰ সন্ত্ৰাস ৷ মঙলবাৰে নিশা 36 খনকৈ বাহনত অগ্নিসংযোগ ৷

ঘটনা অনুসৰি 136 নং ৰাষ্ট্ৰীয় ঘাইপথ নিৰ্মাণ কৰি থকা অমৰ ইনফাষ্ট্ৰাকচাৰ লিমিটেড কোম্পানীৰ 36 খনকৈ বাহনত অগ্নিসংযোগ কৰে মাওবাদীয়ে ৷ গড়চিৰৌলীৰ কুৰখেড়াৰ দাদাপুৰত থকা কোম্পানীটোৰ কাৰ্যালয়ত ৰাখি থোৱা হৈছিল বহুতো বাহন ৷ প্ৰায় 150 জনীয় অস্ত্ৰ-সস্ত্ৰৰে সজ্জিত মাওবাদীৰ দলটোৱে মঙলবাৰে নিশা কোম্পানীটোৰ কাৰ্যালয়ত থকা যন্ত্ৰ-পাতি আৰু বাহনত অগ্নিসংযোগ কৰে ৷ বাহনত অগ্নিসংযোগ কৰাৰ উপৰিও চৰকাৰৰ বিৰুদ্ধে বেনাৰ লিখি কাৰ্যালয়টোক আঁৰি থৈ যায় মাওবাদীৰ দলটোৱে ৷

কোম্পানীটোৰ দুখন জেচিবি , ডিজেল আৰু গেচ'লিন টেংকাৰ ,জেনেৰেটৰ , অন্যান্য সামগ্ৰীৰ লগতে 36 খনকৈ বাহন মাওবাদীয়ে লগোৱা জুইত জাহ যায় ৷ প্ৰাৰম্ভিক পৰ্যায়ত এই ঘটনাত প্ৰায় দহৰ পৰা পোন্ধৰকোটি টকাৰ সম্পত্তিৰ লোকচান হোৱা বুলি অনুমান কৰা হৈছে ৷