নিউজ ডেস্ক, 31 অক্টোবৰঃ বৃহস্পতিবাৰে জম্মু-কাশ্মীৰৰ প্ৰথমগৰাকী লেঃ গৰ্ৱনৰ ৰূপে শপত গ্ৰহণ কৰে গিৰিশ চন্দ্ৰ মুৰমুৱে ৷ জম্মু-কাশ্মীৰক কেন্দ্ৰীয় শাসিত অঞ্চল হিচাপে ঘোষণা কৰাৰ পাচতেই প্ৰথমগৰাকী লেঃ গৰ্ৱনৰ ৰূপে শপত গ্ৰহণ কৰে গিৰিশ চন্দ্ৰ মুৰমুৱে৷ জম্মু-কাশ্মীৰৰ উচ্চ ন্যায়ালয়ৰ মুখ্য ন্যায়াধীশ গীতা মিট্টলে শপত বাক্য পাঠ কৰাই মুৰমুক ৷
জম্মু-কাশ্মীৰ ৰাজভৱনত মুখ্য ন্যায়াধীশ গীতা মিট্টলৰ উপস্থিতিত আগন্তুক পাঁচ বছৰৰ বাবে শপত বাক্য পাঠ কৰে গিৰিশ চন্দ্ৰ মুৰমুৱে ৷
উল্লেখ্য যে, মুৰমু 1985 চনৰ গুজৰাট কেডাৰৰ ভাৰতীয় প্ৰশাসনিক বিষয়া আছিল ৷ শপত গ্ৰহণ অনুষ্ঠানত বিজেপি নেতা যুগল কিশোৰ, ৰাজ্যসভাৰ সাংসদ তথা পি ডি পি নেতা নাজিৰ লাৱে উপস্থিত আছিল ৷
