নিউজ ডেস্ক, 28 জুনঃ বৃহস্পতিবাৰে মণিপুৰত আটক 4 ড্ৰাগছ সৰবৰাহকাৰী৷ আৰক্ষী সূত্ৰৰ পৰা পোৱা তথ্য অনুসৰি মণিপুৰস্থিত লিলং আৰু পৰমপাট অঞ্চলৰ পৰা আৰক্ষীয়ে আটক কৰে ড্ৰাগছ সৰবৰাহকাৰী কেইজনক৷
মণিপুৰৰ থৌবল জিলাৰ আৰক্ষী আৰু লিলং গাঁৱৰ ড্ৰাগছ বিৰোধী সন্থা এটাৰ যুটিয়া অভিযানত আটক হোৱা সৰবৰাহকাৰী কেইজনৰ পৰা এটা পিষ্টল সহ ছয় জাই সজীৱ গুলি, এটা বাৰেল গান, দুটা মোবাইল ফোনৰ হেন্দচেট আৰু 5,57,700 টকা জব্দ কৰে৷
আৰক্ষী জেৰাৰ পৰা পোৱা তথ্য অনুসৰি সৰবৰাহকাৰী কেইজনে মহম্মদ ৰিয়াজুদ্দিন নামৰ ব্যক্তি এজনৰ পৰা কফ চিৰপ সংগ্ৰহ কৰিছিল৷ এই তথ্যৰ ভিত্তিত আৰক্ষীয়ে ৰিয়াজুদ্দিনক আটক কৰে লগতে ৰিয়াজুদ্দিনৰ ঘৰৰ পৰা 57 টা কফ চিৰপৰ বটল জব্দ কৰে৷
