বাৰাণসীত মোডীৰ মনোনয়ন দাখিল

এন ডি এৰ শীৰ্ষ নেতৃত্বৰ উপস্থিতিত মনোনয়ন দাখিল কৰে প্ৰধানমন্ত্ৰী নৰেন্দ্ৰ মোডীয়ে ৷

নিউজ ডেস্ক, 26 এপ্ৰিল : বাৰাণসীত প্ৰধানমন্ত্ৰী মোডীয়ে দাখিল কৰিলে মনোনয়ন পত্ৰ ৷ মনোনয়ন দাখিল কাৰ্যত মোডীৰ সৈতে উপস্থিত থাকে এন ডি এৰ বিভিন্নজন শীৰ্ষ নেতা ৷ উপস্থিত থাকে বিজেপিৰ ৰাষ্ট্ৰীয় সভাপতি অমিত শ্বাহ, হিমন্ত বিশ্ব শৰ্মা, মেঘালয়ৰ মুখ্যমন্ত্ৰী কনৰেড চাংমা, ৰাজনাথ সিং, অতুল বৰাকে ধৰি বিভিন্নজন শীৰ্ষ নেতা ৷ ৰিটাৰ্ণিং বিষয়াৰ হাতত মনোনয়ন দাখিল কৰে প্ৰধানমন্ত্ৰীগৰাকীয়ে ৷

মনোনয়ন পত্ৰ দাখিলৰ পূৰ্বে বাৰাণসীৰ কালভৈৰৱ মন্দিৰত সেৱা জনাই প্ৰধানমন্ত্ৰীয়ে ৷ মনোনয়ন দাখিলৰ বাবে যোৱা প্ৰধানমন্ত্ৰীৰ সমৰ্থনত বাৰাণসী উপায়ুক্তৰ কাৰ্যালয়ৰ বাহিৰত উপস্থিত থাকে সহস্ৰাধিক সমৰ্থনকাৰী ৷