নিউজ ডেস্ক, ৬ এপ্ৰিলঃ দেওবাৰে এগৰাকী ৩০ বছৰীয়া যুৱকক এজন চৰকাৰী বিষয়া হিচাপে ভুৱা পৰিচয় দাঙি ধৰা অপৰাধত গ্ৰেপ্তাৰ কৰিছ দিল্লী আৰক্ষীয়ে । বেৰিকেডৰ কাষৰে যোৱাৰ চেষ্টা চলাওতেই দিল্লী আৰক্ষীৰ হাতত ধৰা পৰে যুৱকজন । ইষ্ট দিল্লীত সংঘটিত হৈছে এই ঘটনা । অভিযুক্ত যুৱকজন সুৰজ সিং বিষ্ট বুলি চিনাক্ত কৰা হৈছে ।
দিল্লীৰ কল্যাণ ভাছৰ নিৱাসী সুৰজ সিং বিষ্ট পেছাত এজন ড্ৰাইভাৰ । শুকুৰবাৰে সন্ধিয়া প্ৰায় ৬.৪০ বজাত সুৰজে চুইফ্ট ডিজায়াৰ বাহনখনেৰে আনন্দ বিহাৰৰ ৰে'লৱে উৰণীয়া সেঁতুৰ ওচৰৰ বেৰিকেডৰ কাষৰে গৈ আছিল তেতিয়াই আৰক্ষীয়ে বাহনখন ৰখায় । তেতিয়া যুৱকজনে কাৰ্ফিউ পাচ দেখুৱাই নিজকে চৰকাৰী বিষয়া বুলি পৰিচয় দিয়ে । আৱকাৰী বিভাগৰ সহকাৰী অধ্যক্ষ হিচাপে নিযুক্ত বুলি উল্লেখ থকা পৰিচয় পত্ৰখন স্কেন কপি আছিল । যাৰ বাবে আৰক্ষীৰ সন্দেহ উপজে ফলত আন পৰিচয় পত্ৰ বিচৰাত লোকজনে দেখুওৱা ড্ৰাইভিং লাইঞ্চেত জন্ম তাৰিখত অসামাঞ্জতা স্পষ্ট হৈ পৰে ।
ইয়াৰ পাচতেই সোধা-পোছ কৰাত চালকজনে অৱশেষত চৰকাৰী পৰিচয় পত্ৰখন ভুৱা বুলি স্বীকাৰ কৰে আৰু সেইখন অন্য এজনৰ পৰা স্কেন কৰা বুলি উল্লেখ কৰে । টল প্লাজাত সহজে অতিক্ৰম কৰিবলৈ এই ভুৱা পৰিচয় পত্ৰখন লাভ কৰাৰ লগতে লক্ ডাউনৰ সময়ত ব্যৱহাৰ কৰি আহিছিল বুলি উল্লেখ কৰে ।
আৰক্ষীয়ে লোকজনৰ পৰা এটা ইউনিফৰ্ম, ভুৱা পৰিচয় পত্ৰ আৰু বাহনখন জব্দ কৰি পটপড়গঞ্জ উদ্যোগী অঞ্চলৰ পুলিছ ষ্টেচনত গোচৰ ৰুজু কৰি তদন্ত প্ৰক্ৰিয়া অব্যাহত ৰাখিছে ।
