নেশ্যনেল ডেস্ক, ৩ অক্টোবৰ : মধ্যপ্ৰদেশৰ শিৱপুৰী জিলাত সংঘটিত হৈছে এক হৃদয় বিদাৰক ঘটনা । শিৱপুৰীৰ মোহৰা গাঁৱত ভূমি বিবাদক কেন্দ্ৰ কৰি ৬জনীয়া উদণ্ড লোকৰ এটা দলে নিৰ্মমভাৱে প্ৰহাৰ কৰে স্বামী-স্ত্ৰীক । ছ'ছিয়েল মিডিয়াত ভাইৰেল হৈ পৰিছে এই অমানৱীয় কাণ্ডৰ ভিডিঅ'। আৰক্ষীৰ চকুৰ সন্মুখতে গুৰুলা-গুৰুলকৈ প্ৰহাৰ কৰে । সকলো দেখিও বহুসময় ধৰি চকু মুদা কুলিৰ ভাও ধৰি ঘটনাস্থলীত ৰৈ থাকে আৰক্ষী ।
কেমেৰাত বন্দী হ'ল সমগ্ৰ দৃশ্য। পিছত আৰক্ষীয়ে বাধা প্ৰদান কৰে। দম্পতীটোৰ গোচৰৰ ভিত্তিত আৰক্ষীয়ে ৩টা অভিযুক্তক আটক কৰে । ধৃত অভিযুক্তকেইটা ক্ৰমে জগদীশ ৰাথোৰ, জগদীশৰ পুত্ৰ সুনীল ৰাথোৰ আৰু অক্ষয় ৰাথোৰ। আনহাতে, এতিয়াও পলাতক হৈ আছে আন ৩টা অভিযুক্ত ।
লগতে পঢ়ক : মাটিৰ কৰ পোৱা টকাৰে আঁচনি ঘোষণা কৰিছে মন্ত্ৰী হিমন্তই: নগেন ডেকা
