নেশ্যনেল ডেস্ক, 11 অক্টোবৰ : ভাৰতত COVID-19 ত আক্ৰান্ত লোকৰ সংখ্যাই অতিক্ৰম কৰিলে 70 লক্ষাধিক ৷ অৱশ্যে বৰ্তমানলৈ দেশত এই মহামাৰীৰ কবলৰ পৰা আৰোগ্য লাভ কৰা লোকৰ সংখ্যা বৃদ্ধি পাই মুঠ আক্ৰান্তৰ সংখ্যাৰ 86.17 শতাংশ হৈছেগৈ ৷ কেন্দ্ৰীয় স্বাস্থ্য মন্ত্ৰণালয়ে দেওবাৰে প্ৰকাশ কৰা প্ৰতিবেদন অনুসৰি, প্ৰদান কৰা হৈছে এই তথ্য ৷
বিগত 24 ঘণ্টাত দেশত নতুনকৈ আক্ৰান্ত হোৱা 74,383 গৰাকী লোকৰ সৈতে কৰ'ণা আক্ৰান্তৰ সংখ্যা বৃদ্ধি পালে মুঠ 70,53,806 গৰাকী লোকলৈ ৷ আনহাতে মৃতকৰ সংখ্যা বৃদ্ধি পাইছে 1,08,334 গৰাকীলৈ ৷ বিগত 24 ঘণ্টাত এই মহামাৰীত আক্ৰান্ত হৈ নতুনকৈ 918 গৰাকী লোকে মৃত্যুক সাৱটি লৈছে ৷
ভাৰতীয় চিকিৎসা গৱেষণা পৰিষদে প্ৰকাশ কৰা তথ্য অনুসৰি, দেশত বৰ্তমানলৈ মুঠ 8,68,77,242 টা নমুনাৰ পৰীক্ষণ সম্পন্ন হৈছে ৷ 10 অক্টোবৰৰ দিনটোত দেশজুৰি মুঠ 10,78,544 গৰাকী লোকৰ নমুনা পৰীক্ষা কৰা হৈছে ৷
লগতে পঢ়ক: পঞ্জাৱৰ 29 টা সংগঠনক কৃষক আইন সন্দৰ্ভত আলোচনাৰ বাবে আমন্ত্ৰণ কেন্দ্ৰীয় চৰকাৰৰ
