ইম্ফল, 16 চেপ্টেম্বৰ : মণিপুৰৰ ইম্ফলত পালন কৰা হয় 'Where Have All The Flowers Gone’ৰ 6 সংখ্যক সংস্কৰণ ৷ ইম্ফলৰ কনছাং লেমপাৰ্কত সংগীত আৰু কলা সন্দৰ্ভত উদযাপন কৰা হৈছে এই বাৰ্ষিক অনুষ্ঠান ৷ 'Where Have All The Flowers Gone’ উৎসৱৰ মাধ্যমেৰে ৰাইজৰ মাজত পৰিৱেশ সম্পৰ্কে সজাগতা সৃষ্টি কৰা হয় ৷
ইম্ফলত পালন 'Where Have All The Flowers Gone’
এই উৎসৱৰ জৰিয়তে চহৰাঞ্চল আৰু গ্ৰামাঞ্চলৰ লোকসকলৰ মাজৰ ব্যৱধান দূৰ কৰাত গুৰুত্ব প্ৰদান কৰা হয় ৷ যুৱ চামৰ বাবেও ই উপযুক্ত মঞ্চ ৷ সংগীত আৰু কলাৰ লগতে শিশুৰ বাবে চিত্ৰাংকণ প্ৰতিযোগিতা,গছ পুলি ৰোপণ ইত্যাদি কাৰ্যসূচীও লোৱা হৈছে এই উৎসৱত ৷ অসম,গোৱাৰ লগতে চুবুৰীয়া বাংলাদেশৰ বিভিন্ন সংগীত শিল্পীৰ দলেও অংশগ্ৰহণ কৰে এই অনুষ্ঠানত ৷
