জ্বলন্ত বাছে প্ৰাণ ল'লে দুজনৰ

হাৰিয়ানাৰ কুৰুক্ষেত্ৰত সংঘটিত এক বাছ দুৰ্ঘটনাত দুজন লোক নিহত হোৱাৰ লগতে আহত হয় 12গৰাকীকৈ লোক ৷

নিউজ ডেস্ক, 13 জুলাইঃ হাৰিয়ানাৰ কুৰুক্ষেত্ৰত সংঘটিত হোৱা এক বাছ দুৰ্ঘটনাত দুজন লোক নিহত হোৱাৰ বিপৰীতে 12জনকৈ লোক আহত হয় ৷ শনিবাৰে ৰাতিপুৱাৰ ভাগত এখন দুইখলপীয়া ব্যক্তিগত পৰিবহন সংস্থাৰ বাছত জুই লগাৰ ফলতে সংঘটিত হয় উক্ত দুৰ্ঘটনাটো ৷

দুৰ্ঘটনাটোত বাছখন সম্পুৰ্ণৰূপে জ্বলি যোৱাৰ লগতে দুজন লোকৰ থিতাতে মৃত্য়ু ঘটে ৷ আনহাতে গুৰুতৰভাৱে আহত হয় প্ৰায় 15গৰাকী লোক ৷ আহতসকলক স্থানীয় লোকনায়ক জয়প্ৰকাশ জিলা চিকিৎসালয়ত চিকিৎসা প্ৰদান কৰি থকা হৈছে ৷ চিকিৎসক ডাঃ নিতীন কালৰাই প্ৰকাশ কৰা অনুসৰি বাছখনত সংঘটিত অগ্নিকাণ্ডৰ ফলত দুগৰাকী লোক থিতাতে নিহত হোৱাৰ লগতে 12গৰাকী লোক আহত হয় ৷

ঘটনাস্থলীত অগ্নিনিৰ্বাপক বাহিনীৰ লোক উপস্থিত হৈ জুই নিৰ্বাপন কৰিবলৈ সক্ষম হয় যদিও অগ্নিকাণ্ডত বাছখন সম্পূৰ্ণৰূপে ভস্মীভূত হৈ পৰে ৷