নিউজ ডেস্ক, 14 অক্টোবৰঃ INX মিডিয়া গোচৰত পুনৰ গ্ৰেপ্তাৰ হ'ব পাৰে দেশৰ প্ৰাক্তন গৃহমন্ত্ৰী তথা বিত্তমন্ত্ৰী পি. চিদাম্বৰম ৷ সোমবাৰে ED বিভাগে দিল্লীৰ এখন আদালতত চিদাম্বৰমৰ গ্ৰেপ্তাৰী পৰোৱানা জাৰি কৰিবলৈ এখন আবেদন দাখিল কৰে ৷
লগতে পঢ়কঃ ৰাম জন্মভূমিত জাৰি সান্ধ্য আইন
সংবাদমাধ্যমৰ আগত এই কথা উল্লেখ কৰিছে তুষাৰ মেহতাই ৷ বিগত শুনানিৰ সময়ত মেহতাই চিদাম্বৰমৰ দেশৰ বাহিৰত থকা কোম্পানী আৰু 17টা বেংক একাউন্টৰ তথ্যৰ বাবেই EDৰ জিম্মাত লোৱাৰ বাবে অনুমতি বিচাৰি আবেদন জনাব বুলি প্ৰকাশ কৰিছিল ৷ "Prevention of Money Laundering Act" ৰ অধীনত চিদাম্বৰমক EDৰ জিম্মাত লোৱাটো খুবেই প্ৰয়োজনীয় বুলি যুক্তি আগবঢ়াইছিল তুষাৰ মেহতাই ৷
লগতে পঢ়কঃ কাশ্মীৰত আৰম্ভ হ'ল পোষ্টপেইড ম'বাইল সেৱা
অৱশ্যে এই কথা পোনচাটেই নাকচ কৰে অধিবক্তা কপিল চিব্বালে ৷ পি চিদাম্বৰমৰ হৈ ওকালতি কৰা অধিবক্তাগৰাকীয়ে EDয়ে আগবঢ়োৱা আবেদনখন যথোপযুক্ত যুক্তিৰ ভিত্তিত প্ৰতিষ্ঠিত নহয় বুলি যুক্তি প্ৰদৰ্শন কৰে ৷
লগতে পঢ়কঃ ভাৰতীয় মূলৰ অভিজিৎ বেনাৰ্জীলৈ অৰ্থশাস্ত্ৰৰ সন্মানীয় ন'বেল
সদ্যহাতে চিবিআইৰ ন্যায়িক জিম্মাত তিহাৰ জেলত বন্দী হৈ আছে দেশৰ প্ৰাক্তন গৃহমন্ত্ৰী তথা বিত্তমন্ত্ৰীগৰাকী ৷ অক্টোবৰ মাহৰ 17 তাৰিখত তেখেতৰ ন্যায়িক জিম্মাৰ পৰিসৰ সমাপ্ত হ'ব ৷
