নিউজ ডেস্ক, ২৮ এপ্ৰিলঃ দেশব্যাপী লকডাউন চলি থকাৰ মাজতে ফেব্ৰুৱাৰী মাহত দিল্লীত সংঘটিত হিংসাত্মক ঘটনাৰ উত্তৰ বিচাৰিছে দিল্লী উচ্চ ন্য়ায়ালয়ে । দিল্লী উচ্চ ন্য়ায়ালয়ত দাখিল কৰা এখন আবেদনৰ পিচতে এই সন্দৰ্ভত কেন্দ্ৰীয় চৰকাৰৰ স্থিতি বিছাৰিচে আদালতে ।
দৰাচলতে দিল্লীত সংঘটিত হিংসাত্মক ঘটনাৰ ভুক্তভোগীসকলৰ লগতে সেই সময়ত চলি থকা নাগৰিকত্ব সংশোধনী আইনৰ প্ৰতিবাদকাৰীসকলক দিল্লী হিংসাৰ সৈতে জড়িত থকা বুলি আৰক্ষীয়ে গ্ৰেপ্তাৰ কৰিছিল ।
জমিয়াত উলেমা ই-হিন্দ নামৰ সংগঠনে দিল্লী উচ্চ ন্যায়ালয়ত এই আবেদন দাখিল কৰিছিল । আবেদনখন সন্দৰ্ভত আদালতে কয় যে, এই আবেদনত নাম থকা সকলো লোককে গ্ৰেপ্তাৰ হোৱা বুলি কোৱা হৈছে, তেওঁলোকক ন্য়ায়সংগত বিচাৰ, আইনৰ অধীনত জামিন আবেদন দাখিল কৰিব পাৰিব । আদালতে ৰায়দান কৰাৰ সমান্তৰালভাৱে এই কাম সম্পন্ন কৰিব পাৰিব বুলি কোৱা হৈছে ।
