নেশ্যনেল ডেস্ক, 18 মাৰ্চ : ব্ৰিটেইনত অধ্যনৰত ভাৰতীয় ছাত্ৰই নিজ দেশলৈ উভতিবৰ বাবে অধীৰ আগ্ৰহেৰে বাট চাইছে ৷ স্ব-গৃহলৈ কেতিয়া উভতিব আৰু পৰিয়ালৰ সৈতে সময় কটাব পাৰিব আদি বিভিন্ন প্ৰশ্নৰ উত্তৰ বিচাৰিছে ব্ৰিটেইনস্থিত ভাৰতীয় দূতাবাসক ৷ দ্ৰুতভাৱে বিয়পি পৰা কৰ'ণা ভাইৰাছ ৰোধ কৰিবৰ বাবে বুধবাৰে নতুন দিল্লীয়ে ব্ৰিটেইনৰ ভাৰত ভ্ৰমণত প্ৰতিবন্ধকতা আৰোপ কৰিছে ৷
সোমবাৰে ভাৰতে 31 মাৰ্চলৈকে কাৰ্যকৰী হোৱাকৈ ইউৰোপ, তুৰ্কী আৰু ব্ৰিটেইনৰ সৈতে পৰিবহণৰ ক্ষেত্ৰত প্ৰতিবন্ধকতা আৰোপ কৰিছে ৷
উল্লেখ্য যে, কৰ'ণা ভাইৰাছত আক্ৰান্ত হোৱাৰ ফলত ব্ৰিটেইনত 71 জন লোকে বৰ্তমানলৈকে প্ৰাণ হেৰুৱাইছে ৷ আনহাতে, ব্ৰিটেইনত আক্ৰান্ত হৈছে সৰ্বমুঠ 1,950 লোক ৷
আৰু পঢ়ক : সকলোৱে একত্ৰিত হ'লেহে স্বাভাৱিক অৱস্থালৈ ঘূৰি আহিব পাৰিম : ৰোহিত শৰ্মা
