ইণ্টাৰনেশ্যনেল ডেক্স, 16 মাৰ্চঃ সমগ্ৰ বিশ্বতে ক্ৰমাৎ অধিক ভয়াৱহ ৰূপ লৈছে কৰ'ণা ভাইৰাছে ৷ প্ৰথমে চীনত এই ভাইৰাছৰ প্ৰাদুৰ্ভাৱ অধিক দেখা গৈছিল যদিও বৰ্তমান বিশ্বৰ প্ৰায় 110খন দেশৰ লোক এই ভাইৰাছত আক্ৰান্ত হৈছে ৷ সম্প্ৰতি চীনত এই ৰোগত আক্ৰান্ত হোৱাৰ সংখ্যা সামান্য হ্ৰায় পাইছে যদিও ইটালী,ইৰাণ,স্পেইন আদিত এই ভাইৰাছে কালৰূপ ধাৰণ কৰিছে ৷
বৰ্তমান সমগ্ৰ বিশ্বতে এই ভাইৰাছত আক্ৰান্ত হৈছে 1,59,844 গৰাকী লোক ৷ ইয়াৰ বিপৰীতে এই মহামাৰীৰ ফলত মৃত্যু হৈছে 6,036 গৰাকী ব্যক্তিৰ ৷ তদুপৰি এই ভাইৰাছৰ পৰা আৰোগ্য হৈছে প্ৰায় 76,219 গৰাকী লোক৷
দেশ আক্ৰান্তৰ সংখ্যা মৃত্যু আৰোগ্য
চীন 81,048 3,199 66,931
ইটালী 21,157 1,441 1,966
ইৰাণ 13,938 724 4,590
স্পেইন 7,753 291 517
ফ্ৰাঞ্চ 4,499 91 12
দক্ষিণ কোৰিয়া 8,162 75 834
আমেৰিকা 3,083 60 56
জাপান 1,510 31 600
ইংলেণ্ড 1,140 21 18
ছুইজাৰলেণ্ড 2,217 14 4
জাৰ্মানী 5,426 11 46
বিশ্বৰ আন আন দেশৰ লগতে ভাৰতবৰ্ষতো ক্ৰমান্নয়ে বৃদ্ধি পাইছে এই ভাইৰাছত আক্ৰান্ত ৰোগীৰ সংখ্যা৷ ভাৰতৰ স্বাস্থ্য আৰু পৰিয়াল কল্যাণ মন্ত্ৰণালয়ে সদৰি কৰা তথ্য অনুসৰি দেশত এইপৰ্যন্ত 110 জন লোক এই ভাইৰাচত আক্ৰান্ত হোৱাৰ লগতে কৰ্ণাটক আৰু দিল্লীত মুত্যু হৈছে 2 জন লোকৰ ৷ আক্ৰান্তসকলৰ ভিতৰত 93 গৰাকী ভাৰতীয় নাগৰিক হোৱাৰ বিপৰীতে 17 গৰাকী হৈছে বিদেশী মূলৰ ৷
লগতে চাওকঃ
