নিউজ ডেস্ক, 30 ছেপ্টেম্বৰঃ ৰাজস্থানৰ যোধপুৰত সংঘটিত হোৱা এক ঘটনাই শেহতীয়াকৈ চৰ্চালৈ আহিছে ৷ পথৰ কাষত খেলি থকা এটি শিশুক উদ্ধাৰৰ দৃশ্যাংশ ভাইৰেল হৈ পৰাত পোহৰলৈ আহিছে সমগ্ৰ ঘটনাটো ৷
দৰাচলতে এগৰাকী যুৱকে পানীত পৰি যাবলৈ লোৱা অৱস্থাতে উদ্ধাৰ কৰিবলৈ সক্ষম হয় এটি কনমানিক ৷ ঘটনাৰ দৃশ্যাংশ চিচিটিভি কেমেৰাত বন্দী হৈ পৰাৰ লগতে ইন্টাৰনেটত ভাইৰেল হৈ পৰে ৷ ৰাজস্থানৰ যোধপুৰ জিলাত পথৰ কাষত খেলি থকা এটি শিশুক নলা পৰি যোৱা অৱস্থাত উদ্ধাৰ কৰিবলৈ সক্ষম হয় এগৰাকী যুৱকে ৷ সমগ্ৰ ঘটনা ইতিমধ্যে ইন্টাৰনেটত ভাইৰেল হৈ পৰাৰ লগতে চিচিটিভিত বন্দী হোৱা দৃশ্যাংশ আহি পৰিছে আমাৰ হাতত ৷
আনহাতে এই ঘটনাৰ পিচতে ৰাজস্থানৰ বাট-পথ তথা যাতায়ত ব্যৱস্থাৰ এখন ফোঁপোলা স্বৰূপ পোহৰলৈ আহিছে ৷ জিলা প্ৰশাসনৰ উদ্যোগত চহৰখনৰ বিভিন্ন স্থানত নলা নিৰ্মানৰ কাম চলি আছে যদিও উপযুক্ত ব্যৱস্থা গ্ৰহণ নকৰাৰ বাবেই এনেকুৱা ঘটনা সংঘটিত হয় ৷
