নিউজ ডেস্ক, ৬ জুলাই : ছত্তিছগড়ৰ দান্তেবাৰা জিলাত সোমবাৰে নক্সাল বাদীৰ শিবিৰ উচ্ছেদ কৰিবলৈ যোৱাৰ সময়ত হোৱা এক বিস্ফোৰণত জিলা ৰিজাৰ্ভ গাৰ্ডৰ দুজন সদস্য আঘাতপ্ৰাপ্ত হয় ।
এগৰাকী বিষয়াই জনোৱা অনুসৰি, উক্ত ঘটনাটো সোমবাৰে ৰাতিপুৱা প্ৰায় ১০ বাজি ৩০ মিনিটত সংঘটিত হৈছে । কন্টেকল্যাণ আৰক্ষী থানাৰ অন্তৰ্গত এখন জংঘলত ডি আৰ জিৰ এটা দলে নক্সালবাদীৰ শিবিৰ এটা উচ্ছেদ কৰিবলৈ যোৱাৰ সময়ত উভতি অহাৰ পথত ঘটনাটো সংঘটিত হয় ।
আনহাতে, নিৰাপত্তা বাহিনীয়ে উক্ত অভিযানত দুটা স্থানৰ পৰা ৬ টা IED উদ্ধাৰ কৰিবলৈ সক্ষম হৈছিল । মৰজুম গাঁৱৰ ওচৰৰ এখন জংঘলত নক্সালবাদীয়ে স্থাপন কৰা শিবিৰ উচ্ছেদ কৰাৰ বাবে ডি আৰ জি দলে দেওবাৰৰ নিশাৰ পৰা অভিযান আৰম্ভ কৰিছিল । নিৰাপত্তা বাহিনীয়ে উদ্ধাৰ কৰা IED একোটাৰ ওজন ৫ কিলোগ্ৰাম বুলি জানিব পৰা গৈছে ।
তথ্য অনুসৰি, শিবিৰত ৩ টা IED উদ্ধাৰ কৰিবলৈ সক্ষম হৈছিল আৰু উভতি আহোতে কপ্পল অঞ্চলত ২ কিলোগ্ৰাম ওজনৰ দুটা IED পাবলৈ সক্ষম হৈছিল । সেই সময়তে দুজন বিষয়াই IED ৰ ওচৰলৈ যাওতে তাৰে এটা IED বিস্ফোৰণ হৈ সদস্য দুজন সামন্য পৰিমানে আঘাতপ্ৰাপ্ত হয় ।
