নিউজ ডেস্ক, 8 জুন : প্ৰৱজনকাৰী শ্ৰমিকক যাতায়তৰ সুবিধা কৰি দিয়াত পদক্ষেপ গ্ৰহণ কৰাৰ বাবে অভিনেতা চনু সুদক প্ৰশংসা মহাৰাষ্ট্ৰৰ মুখ্যমন্ত্ৰী উদ্ধৱ থাকৰেৰ ৷ দেওবাৰে নিশা সুৱৰ্ণ মুম্বাইৰ মাটোশ্ৰীস্থিত বাসগৃহত মুখ্যমন্ত্ৰী থাকৰেক সাক্ষাৎ কৰে অভিনেতাগৰাকীয়ে ৷ থাকৰে নেতৃত্বাধীন শিৱসেনাই চনু সুদে এখন বিজেপি ৰচিত নাটক কৰি থকা বুলি কৰা আক্ৰমণৰ এদিন পিচতে এই সাক্ষাৎ অনুষ্ঠিত হয় ৷
বিজেপিয়ে মহাৰাষ্ট্ৰত লক্ ডাউনৰ বাবে আৱদ্ধ হৈ থকা উত্তৰ ভাৰত প্ৰৱজনকাৰী শ্ৰমিক সকলক উদ্ধাৰ কৰিবলৈ চনু সুদক ব্যৱহাৰ কৰিছিল নে নাই সেই সম্বন্ধেও সন্দেহ প্ৰকাশ কৰিছে শিৱসেনাৰ সাংসদ সঞ্জয় ৰাউটে ৷ শিৱসেনা চৰকাৰক অক্ষমতা হিচাপে দেখুৱাবলৈ বিজেপিৰ এইয়া ৰাজনৈতিক অভিসন্ধিও হ'ব পাৰে বুলি সন্দেহ প্ৰকাশ সাংসদ গৰাকীৰ ৷
শিৱসেনাৰ মুখপত্ৰ সামানাত প্ৰকাশিত নিজৰ সাপ্তাহিক নিবন্ধ "Rokhthok"ত ৰাউটে লক্ ডাউনৰ সময়ত 'মহাত্মা' চনু সুদৰ মহাৰাষ্ট্ৰৰ প্ৰতি হঠাৎ জাগ্ৰত হোৱা সামাজিক দায়ৱদ্ধতা সম্বন্ধে প্ৰশ্ন তুলিছে ৷ ৰাউটে 2019 চনৰ সাদাৰণ নিৰ্বাচনৰ পূৰ্বে অভিনেজনৰ বিৰুদ্ধে এটা ষ্টিং অপাৰেচনৰো পোষকতা কৰিছিল ৷ ৰাউটৰ মতে, চনু সুদে নিজৰ বিভিন্ন চ'ছিয়েল মিডিয়া একাউন্টৰ দ্বাৰা বিজেপি চৰকাৰৰ হৈ প্ৰচাৰ কৰিবলৈ ৰাজি হৈছে ৷
লগতে পঢ়ক : সুৰাৰ ওপৰত থকা কৰ'ণা বিশেষ কৰ আঁতৰ কৰিলে দিল্লী চৰকাৰে
