নিউজ ডেস্ক, ২৩ জুন : চীন-ভাৰতৰ সীমা বিবাদক কেন্দ্ৰ কৰি সৃষ্টি হোৱা সংঘাতৰ পিচতেই অৱশেষত প্ৰতিক্ৰিয়া ব্যক্ত কৰিছে প্ৰাক্তন প্ৰধানমন্ত্ৰী মনমোহন সিঙে । মংগলবাৰে কংগ্ৰেছ কমিটিৰ এক বৈঠকত প্ৰধানমন্ত্ৰী গৰাকীয়ে চীন আৰু ভাৰতৰ মাজত চলি থকা সমস্যা সন্দৰ্ভত বিবেচনা কৰাৰ প্ৰয়োজনীয়তা আছে বুলি উল্লেখ কৰে । লগতে তেওঁ জনাই যে, সমস্যাটোক যদি বিশ্লেষণ কৰি সমাধান কৰাৰ চিন্তা কৰা নহয় তেতিয়াহলে পৰিস্থিতি আৰু অধিক ভয়াবহ হোৱাৰ আকাংক্ষা কৰিব পাৰি ।
কংগ্ৰেছৰ দলীয় প্ৰধান ছোনিয়া গান্ধীয়ে উক্ত বিষয়ক সমৰ্থন জনাই কয় যে, লাডাখৰ গালৱান সীমান্তৰ সমস্যা যদি এতিয়াই মোকাবিলা কৰা নহয় তেতিয়াহলে পৰৱৰ্তী সময়ত এই সমস্যাই ভয়ংকৰ ৰূপ ল'ব পাৰে ।
কংগ্ৰেছ নেতা গোলাম নবী আজাদে উক্ত বিষয় সন্দৰ্ভত প্ৰধানমন্ত্ৰীৰ সৰ্বদলীয় বৈঠকত অংশগ্ৰহণ কৰি জনাই যে, প্ৰধানমন্ত্ৰীয়ে উক্ত সমস্যা সমাধান কৰাত বিফল হৈছে । তেওঁ লগতে কয় যে, এই সমস্যাটো সমাধান কৰিবলৈ চৰকাৰখনে একেলগ হৈ গুৰুত্ব সহকাৰে কাম কৰিব লাগিব ।
লগতে পঢ়ক : দিল্লীত COVID-১৯ ৰ ৰোগীৰ পৰিচালনাৰ বাবে SOP জাৰি দিল্লী চৰকাৰৰ
