নিউজ ডেস্ক, 22 এপ্ৰিলঃ কলিকতাত এক সংবাদমেল সম্বোধন কৰে বিজেপিৰ ৰাষ্ট্ৰীয় সভাপতি অমিত শ্বাহে ৷ সোমবাৰে সংবাদমেলৰ আয়োজন কৰি বিজেপিৰ নিৰ্বাচনী স্থিতি স্পষ্ট কৰি দিয়াৰ লগতে নাগৰিকত্ব সংশোধনী বিধেয়ক, ৰাষ্ট্ৰীয় নাগৰিকপঞ্জীকে ধৰি বহুকেইটা বিষয়ৰ ওপৰত মন্তব্য কৰে বিজেপিৰ ৰাষ্ট্ৰীয় সভাপতি অমিত শ্বাহে ৷
সংবাদমেলত বিজেপিৰ ৰাষ্ট্ৰীয় সভাপতিগৰাকীয়ে বাংলাদেশীয়ে ভাৰতীয় নাগৰিকত্ব পাব বুলি বিস্ফোৰক মন্তব্য আগবঢ়ায় ৷ তেঁও কয় যে, দলে নিৰ্বাচনী ইস্তাহাৰ দিয়া প্ৰতিশ্ৰুতি অনুসৰি বাংলাদেশৰ পৰা অহা হিন্দু বৌদ্ধ, শিখ, জৈন অথবা খ্ৰীষ্টান ধৰ্মাৱলম্বী লোকক ভাৰতত স্থায়ী নাগৰিকত্ব প্ৰদান কৰা হ'ব ৷ দেশৰ সকলো ৰাজ্যতে শীঘ্ৰেই ৰাষ্ট্ৰীয় নাগৰিকপঞ্জীৰ কাম আৰম্ভ কৰা হ'ব বুলিও দোহাৰে অমিত শ্বাহে ৷
