নিউজ ডেস্ক,17 মাৰ্চ : শনিবাৰে নিউজিলেণ্ডত সংঘটিতগুলীচালনাতপাঁচগৰাকীকৈ ভাৰতীয় লোকৰ মৃত্যু হোৱা বুলি তথ্য লাভ কৰা গৈছে ৷ নিউজিলেণ্ডস্থিত ভাৰতীয় উচ্চায়ুক্ত সঞ্জীৱ কোহলীয়ে প্ৰকাশ কৰিছে এই তথ্য ৷দুগৰাকীকৈ ভাৰতীয় নাগৰিক আৰু আন দুগৰাকী প্ৰবাসী ভাৰতীয়ও আক্ৰমণত গুৰুতৰভাৱে আহত হৈ চিকিৎসাধীন হৈ থকা বুলি প্ৰকাশ কৰিছে ভাৰতীয় উচ্চায়ুক্তগৰাকীয়ে ৷ নিহত ভাৰতীয় লোককেইজন হৈছে ক্ৰমে মেহবুব খোসাৰ,ৰমিজ ভোৰা,আৰিফ ভোৰা,অন্সি আলিবাভা আৰু ওজিৰ কাদিৰ ৷
এই সংকটজনক পৰিস্থিতিত নিউজিলেণ্ডস্থিত ভাৰতীয়সকলৰ লগতে তেওঁলোকৰ আত্মীয়সকলৰসহায়ৰ বাবে ভাৰত চৰকাৰে মুকলি কৰিছে দুটাকৈ হেল্পলাইন ৷ 021803899 আৰু 021850033 এই দুটাকৈ নম্বৰত ফোন কৰি নিউজিলেণ্ডৰ থকা ভাৰতীয়ৰ যিকোনো তথ্য লাভ কৰিব পাৰিব পৰিয়ালৰ লোকে ৷
শুকুৰবাৰৰ নামাজৰ পূৰ্বেই কূটাঘাতকাৰীয়ে নিউজিলেণ্ডৰ খ্ৰীষ্টচাৰ্চৰ দুটাকৈ মছজিদত সংঘটিত কৰিছিল মুকলি গুলীচালনা৷ যাৰ ফলত 50 জন লোকে প্ৰাণ হেৰুওৱাৰ বিপৰীতে বৰ্তমানেও সংকটজনক অৱস্থাত চিকিৎসাধীন হৈ আছে 48 জনকৈ লোক৷ এই কূটাঘাত কাণ্ডৰ লগত জড়িত চাৰিজন লোকক ইতিমধ্যে আটক কৰিছে আৰক্ষীয়ে৷
