নিউজ ডেস্ক, 21 মে‘ : অন্ধ্ৰপ্ৰদেশৰ এখন চৰকাৰী চিকিৎসালয়ৰ এজন চিকিৎসকে পিপিই কিটৰ নাটনি সন্দৰ্ভত ৰাজ্য চৰকাৰক প্ৰশ্ন কৰি এতিয়া চৰ্চালৈ আহিছে ৷ চিকিৎসকজনে পি পি ই কিটৰ নাটনিৰ ওপৰত চৰকাৰক প্ৰশ্ন কৰাৰ পাছত এতিয়া চিকিৎসকজনে সমৰ্থন বুধবাৰে সমৰ্থন লাভ কৰে ৰাজ্যৰ বিৰোধী দল সমূহৰ ৷
নাৰ্চিপাটনাম ক্ষেত্ৰ চিকিৎসালয়ৰ চিকিৎসক সুধাকৰ ৰাওক বিগত মাহত কোভিড-19 ৰ কৰ্তব্যত নিয়োজিত চিকিৎসকসকলক কিয় এন-95 মাস্ক যোগান ধৰা হোৱা নাই বুলি কৰা প্ৰশ্নৰ পাছত বিশাখাপট্টনমৰ পৰ্ট হাস্পতালৰ সন্মুখত উপদ্ৰৱ কৰাৰ অভিযোগত গ্ৰেপ্তাৰ কৰা হয় ৷
সুধাকৰে কথিত ৰূপত জগন মোহন ৰেড্ডী চৰকাৰৰ বিৰুদ্ধে অপমানসূচক মন্তব্য আগবঢ়ায় ৷ পৰৱৰ্তী সময়ত তেওঁক বিশাখাপট্টনমৰ জৰ্জ হাস্পাতালৰ চিকিৎসকে মানসিক অৱস্থা ঠিক নহয় বুলি কোৱাৰ পাছত এখন মানসিক ৰোগীৰ চিকিৎসালয়ত ভৰ্তি কৰোৱা হয় ৷
তদুপৰি সামাজিক মাধ্যমত ভিডিঅ‘ ভাইৰেল হোৱাৰ পাছত চিকিৎসকগৰাকীক শাৰীৰিকভাৱে অপদস্থ কৰাৰ বাবেও এজন আৰক্ষী কনিষ্টবলক নিলম্বিত কৰা হৈছে বুলিও এক সুত্ৰই প্ৰকাশ কৰিছে ৷
লগতে পঢ়ক : ৰাজ্যত কৰ'ণা ভাইৰাছ আক্ৰান্তৰ সংখ্যা 188 জন
