পশ্চিমবংগ, ২৫ জুনঃ সোমবাৰে পশ্চিমবংগৰ ভাটপাৰা অঞ্চলত 60 টা ক্ৰুড বোমা উদ্ধাৰ হোৱাৰ পিচতে মঙলবাৰে পুনৰ ১৮ টা ক্ৰুড বোমা উদ্ধাৰ কৰে কলিকতা আৰক্ষীয়ে । পশ্চিমবংগৰ দুৰ্গাপুৰ চহৰৰ পৰা উদ্ধাৰ কৰা হয় বোমাখিনি ।
গোপন সূত্ৰযোগে এটা নিৰ্মীয়মান অট্টালিকাত ১৮ টা বোমা লুকাই ৰখাৰ খবৰ পোৱাৰ পিচতে আৰক্ষীৰ তৎপৰতাত উদ্ধাৰ কৰা হয় বোমাখিনি । অট্টালিকাটোত থকা দুটা ড্ৰামৰ ভিতৰত লুকাই থোৱা হৈছিল বোমাকেইটা । ইতিমধ্যে বোমা বিশেষজ্ঞৰ জড়িয়তে নিস্ক্ৰীয় কৰা হৈছে বোমাকেইটা ।
আনহাতে, ইয়াৰ পূৰ্বে 20 জুনত ভাটপাৰা অঞ্চলত দুটা পক্ষৰ কৰ্মীৰ মাজত সংঘৰ্ষৰ সৃষ্টি হৈছিল ৷ এই সংঘৰ্ষত দুজন লোক নিহত হোৱাৰ বিপৰীতে 11 জন ব্যক্তি আহত হৈছিল ৷ সংঘৰ্ষত লিপ্ত হোৱা লোকসকল তৃণমূল কংগ্ৰেছ আৰু বিজেপিৰ বুলি সন্দেহ কৰিছে আৰক্ষীয়ে ৷
