নিউজ ডেস্ক, 5 জুনঃ ছত্তিশগড়ৰ কানকেৰ জিলাত সংঘটিত এক দূৰ্ঘটনাত পাঁচজনকৈ এছএছবি জোৱান আঘাতপ্ৰাপ্ত হয় ৷ জিলাখনৰ অনন্তগড়ত এছএছবি জোৱানসকলে গৈ থকা বাহনখন সংঘটিত হোৱা দূৰ্ঘটনাটোত বাহনখনত থকা পাঁচগৰাকী জোৱানেই কম-বেছি পৰিমানে আঘাতপ্ৰাপ্ত হয় ৷
ছত্তিশগড়ৰ নক্সাল অধ্যুষিত অঞ্চলত দায়িত্বৰত জোৱানকেইজনে আহি থকা বাহনখনে নিয়ন্ত্ৰণ হেৰুওৱাৰ ফলতে সংঘটিত হয় দূৰ্ঘটনাটো ৷ বাহনখনত থকা পাঁচগৰাকী জোৱানেই কম-বেছি পৰিমানে আঘাতপ্ৰাপ্ত হয় ৷ আঘাতপ্ৰাপ্ত জোৱানকেইজনক প্ৰথমে স্থানীয় চিকিৎসালয়ত ভৰ্তি কৰোৱা হয় যদিও উন্নত চিকিৎসাৰ বাবে জিলা চিকিৎসালয়লৈ প্ৰেৰণ কৰা হয় ৷
বাহনখনত থকা জোৱানকেইজন, হেড কনিষ্টবল বিক্ৰম সিং, কনিষ্টবল বিশ্বকৰ্মা তিৱাৰী, সাগৰ অশোক আহোৰে, ৰশ্বিদ খান আৰু গাড়ীচালক বিক্ৰম বুলি জানিব পৰা গৈছে ৷ দূৰ্ঘটনাটোৰ বিষয়ে জানিব পাৰি ঘটনাস্থলীত উপস্থিত হয় অনন্তগড়ৰ ভাৰপ্ৰাপ্ত আৰক্ষী বিষয়া নিতীন তিৱাৰী ৷ আৰক্ষী বিষয়াগৰাকীৰ তৎপৰতাতে এছএছবি জোৱানকেইজনক চিকিৎসালয়ত ভৰ্তি কৰোৱা হয় ৷
